Arif və Orxan Hacılı
Arif Hacılının oğlu ev dustaqlığına buraxılıb
Bakı/19.12.23/Turan: Müsavat Partiyasının rəhbəri Arif Hacılının oğlu Orxan Hacılı ev dustaqlığına buraxılıb, Turan-a vəkil Nemət Kərimli bildirib.
Onun sözlərinə görə, dekabrın 19-da Bakının Yasamal Rayon Məhkəməsi Hacılının ev dustaqlığına buraxılması ilə bağlı müdafiə tərəfinin vəsatətini təmin edib.
"İstintaq 50 gündür davam edir və bu müddətdə Orxan Hacılının həbsdə saxlanılması üçün əsaslar aradan qaldırılıb, ona görə də biz vəsatət qaldırdıq. Məhkəmə bizim vəsatətimizi əsaslı hesab etdi", - Kərimli deyib.
Müsavat Partiyasının rəhbəri Arif Hacılı oğlunun azad edilməsini müsbət fakt adlandırıb.
"Son həbs dalğası Orxanın həbsilə başladı. Ümid edirəm ki, azadlıq dalğası da onun azad edilməsilə başlayacaq", - Arif Hacılı deyib.
* Noyabrın 2-də Bakının Yasamal Rayon Məhkəməsi Orxan Hacılını Cinayət Məcəlləsinin 263.1 (yol hərəkəti qaydalarının pozulması, sağlamlığa az ağır ziyan vurmaqla) və 264-cü (yol-nəqliyyat hadisəsi yerini tərk etmək) maddələrilə 2 ay müddətinə həbs edib. O, oktyabrın 11-də başqa avtomobilin sürücüsünün günahından baş vermiş qəza üzrə cəlb edilib.- 21B16 / 06-
Siyasət
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
-
Azərbaycan prezidenti İlham Əliyev mayın 18-də Cəbrayıl rayonuna səfər edib.
Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda
Xəbər lenti
-
- Siyasət,
- 13:57
- 334
Rəy yaz