4 avqustdan həbsdə olan politoloq Arif Yunusa Milli Təhlükəsizlik Nazirliyi ilk dəfə olaraq ailənin dostu Azad İsazadənin sovqat göndərməsinə icazə verib. İndiyədək A.Yunusa sovqat qəbul edilmirdi.
Bir gün öncə isə Milli Şuranın sədri Cəmil Həsənli və Milli Şuranın bir neçə üzvünün iyulun 30-da həbs edilərək Kürdəxanı istintaq təcridxanasında saxlanan hüquq müdafiəçisi Leyla Yunusa sovqat göndərmək cəhdi nəticəsiz olub.
Təcridxana ərzaq və dərmanların qəbulundan imtina edir və bildirir ki, sovqatı yalnız yaxın qohumlar göndərə bilər. Hansı ki qanunvericilikdə bu nəzərdə tutulmayıb.
C.Həsənli Leyla Yunus üçün sovqatın qəbul edilməməsinə etiraz edib və bundan sonra da sovqat gətirməkdə davam edəcəyini bildirib.
Arif və Leyla Yunuslar aprelin 29-da Parisə getmək istəyərkən Bakı hava limanında saxlanıb. Yunuslara qarşı dövlətə xəyanət, vergi ödəməkdən yayınma və başqa ittihamlar irəli sürülüb. -0-
Siyasət
-
Azərbaycan Xalq Cəbhəsi Partiyasının (AXCP) Xəzər rayonu şöbəsinin fəalı Əlisahib Kərimov yanvarın 10-da Nizami metrostansiyasında saxlanılaraq Yasamal Rayon Məhkəməsinin qərarı ilə İnzibati Xətalar Məcəlləsinin polisin qanuni tələbinə tabe olmamaq maddəsi ilə günahlandırlaraq 30 sutka inzibati həbsə məhkum edilib.
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
Rəy yaz