![Arizona ştatı Xocalı soyqırımını tanıyıb](https://turan.az/resized/media/2015/main/022600108012-750-500-resize.webp)
Arizona ştatı Xocalı soyqırımını tanıyıb
Amerikanın Arizona ştatının Senatı (yuxarı palata) Xocalı hadisələrini soyqırım kimi tanıyan qətnamə qəbul edib. Bu barədə cümə axşamı Azərbaycanın Los-Ancelesdeki Baş Konsulluğunun məlumatında deyilir.
Qətnamə Arizona Senatının plenar iclasında iştirak edən Azərbaycanın Los-Ancelesdeki baş konsulu Nəsimi Ağayevə təqdim olunub.
Qətnamədə Human Rights Watch təşkilatının məlumata isnadla deyilir ki, Xocalı soyqırımı Dağlıq Qarabağ münaqişəsi zamanı ermənilərin törətdikləri ən böyük qətliamdır.
Bir sıra dünya ölkələri, ABŞ ştatları bu qətliamı pisləyən qətnamə qəbul ediblər.
Bu faciədə günahı olan cinayətkarlar indiyədək layiq olduqları cəzanı almayıblar. Bundan əlavə, Dağlıq Qarabağ və ona bitişik yeddi rayon hələ də Ermənistanın işğalı altındadır.
Sənəddə xatırladılır ki, BMT TŞ və Baş Assambleyası Azərbaycan torpaqlarının Ermənistan tərəfindən işğalını pisləyən qətnamələr qəbul ediblər.
Beləliklə, Xocalı faciəsini soyqırım kimi tanıyan ABŞ ştatlarının sayı 16-ya çatıb.
*1992-ci il fevralın 25-dən 26-na keçən gecə Dağlıq Qarabağın ikinci böyük yaşayış məntəqəsi olan Xocalı şəhəri Rusiya ordusunun 366-cı motoatıcı alayının hərbçiləri və döyüş texnikasının fəal iştirakı ilə erməni separatçıları tərəfindən işğal edilib.
600-dən çox dinc sakin qətlə yetirilib, 1200-dən çox adam 75 nəfər əsir və girov götürülüb.-06
-
- İqtisadiyyat
- 26 Fevral 2015 12:37
-
- İqtisadiyyat
- 26 Fevral 2015 13:12
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz