«Heç bir ağlı başında olan tikinti şirkəti xaricdən bahalı məhsul idxal etməyəcək». “Baku Steel Company” (BSC) İdarə Heyətinin sədri Rasim Məmmədov manatın inzibati devalvasiyasına belə reaksiya verib.
Onun sözlərinə görə, güclü manat daxili bazarda qiymətə təsir etməyə imkan vermirdi. Başqa ölkələrdən idxal edilən metal prokatı (Türkiyə, Ukrayna, RF, Gürcüstan, Qazaxıstan) vaxtında edilən devalvasiya ilə əlaqədar Azərbaycan bazarı üçün rəqabət qabiliyyətli idi. BSC məhsul ixracını dayandırmağını da bununla izah edir. “Manatın devalvasiyası vəziyyəti yerli istehsalçının xeyrinə dəyişdi. Devalvasiyaya qədər şirkət ayda 35000 ton məhsul istehsal edirdisə, indi istehsalı ayda 60000 tona qaldırmağı planlaşdırır”, deyə Məmmədov qeyd edir. Bu, şirkətimizə imkan verəcək ki, daxili bazarı metal prokatı ilə tam təmin edək, ixracatçı şirkət statusunu qaytaraq.
Qeyd edək ki, Azərbaycanda metal prokatının topdan və pərakəndə qiyməti qonşu ölkələrdən 30% baha olub. Yüksək rentabellilik “Baku Steel Company” MMC-yə imkan verib ki, son 2 ildə zavodun yenidən qurulmasına $200 mln investisiya qoysun və məhsulun maya dəyərini dünya normativinə çatdırsın. 2014-cü ildə Azərbaycanda polad istehsalı 39% artıb və ayda 27 233 ton olub. Bu ilin yanvarında bu göstərici 17,7 min tona düşüb.
Hazırda metal tullantısı olmadığı üçün BSC dayanıb. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz