Arlem Dezir jurnalist Tapdıq Fərhadoğlunun saxlanması ilə bağlı narahatlığını bildirib
Bakı/23.09.19/Turan: ATƏT-in KİV azadlığı üzrə nümayəndəsi Arlem Dezir Bakıda etiraz aksiyasını işıqlandıran "Amerikanın səsi" radiosunun müxbiri Tapdıq Quliyevin (Fərhadoğlu) saxlanması ilə bağlı narahatlığını bildirib.
"Mən "Amerikanın səsi" radiosunun müxbiri Tapdiq Quliyevin (Fərhadoğlu) etiraz aksiyasını işıqlandırdığı zaman saxlanılmasından narahatam. Jurnalistlər ictimai tədbirləri hədələnmədən və saxlanılmadan işıqlandırmalıdır", - A.Dezir özünün mikrobloqunda yazıb. https://twitter.com/OSCE_RFoM/status/1176136020703830021
Tapdıq Fərhadoğlu sentyabrın 23-də səhər Baş Prokurorluğun Ağır Cinayətlərə dair İşlər üzrə İstintaq İdarəsinin qarşısında bir qrup qadının etiraz aksiyasını işıqlandıran zaman saxlanılıb.
Jurnalist DİN Dəmir Yolu Nəqliyyatında Polis İdarəsinə aparılıb. Onun bütün avadanlıqları və elektron yaddaşları əlindən alınıb, saxlanılması barədə həmkarlarına və vəkilə məlumat vermək imkanlarından məhrum edilib. Yarım saat sonra jurnalistin avadanlıqlarını və yaddaş kartlarını qaytararaq özünü buraxıblar və "dövlətçiliyə qarşı yönəlmiş tədbirləri bir daha çəkməmək" barədə xəbərdarlıq ediblər. 16D06--
Siyasət
-
Bazar ertəsi ABŞ prezidenti Co Bayden Dövlət Departamentində vida müraciətində Vladimir Putini Ukraynaya təcavüz etdiyinə görə lağa qoyub. "Putin işğal edəndə Kiyevi bir neçə gün ərzində fəth edəcəyini düşünürdü. Həqiqət budur ki, müharibə başlayandan Kiyevin mərkəzində dayanan tək adam mənəm, o deyil", - Bayden deyib, Turan-ın Vaşinqton müxbiri bildirib.
-
ABŞ, Bəxtiyar Hacıyevə qarşı çıxarılan son məhkəmə qərarından dərin məyusluq hissi keçirir. Biz, ardıcıl olaraq, Azərbaycanı beynəlxalq öhdəliklərini yerinə yetirməyə və haqsız yerə həbs olunanları azad etməyə çağırırıq.
-
Yanvarın 14-də Bakı Ağır Cinayətlər Məhkəməsində alternativ "İşçi Masası" Həmkarlar İttifaqları Konfederasiyasının rəhbəri Afiyəddin Məmmədovun məhkəmə prosesi başa çatıb. Məhkəmə onu 8 il azadlıqdan məhrum edib.
-
Çərşənbə axşamı ABŞ və Ermənistan "strateji tərəfdaşlıq komissiyasının" yaradılması haqqında saziş imzalayıb, dövlət katibi Entoni Blinkenin sözlərinə görə, bu, iki ölkə arasında münasibətlərdə "əhəmiyyətli mərhələdir" və "Cənubi Qafqazın daha möhkəm, daha dinc, daha təhlükəsiz, daha müstəqil olmasına şərait yaradacaq".
Rəy yaz