Arsen Baqdasaryanın işi üzrə məhkəmə aprelin 13-də başlayacaq (YENİLƏNİB)

Bu gün Gəncə Ağır Cinayətlər Məhkəməsində diversiya və adam öldürmə cəhdində ittiham olunan 1994-cü il təvəllüdlü erməni hərbiçisi Arsen Baqdasaryanın işi üzrə hazırlıq iclası keçirilib.

Hakim Elbəy Allahverdiyev prosesin başlanğıcını aprelin 13-nə təyin edib, proses qapalı rejimdə keçiriləcək, bu barədə Turan-a məhkəmədəki mənbə bildirib.

Eyni zamanda, Baqdasaryanın irəli sürülmüş ittihamlar üzrə özünü təqsirli bilib-bilməməsi haqqında suala cavab almaq mümkün olmayıb.

Xatırladaq ki, Baqdasaryan 2014-cü ilin dekabr ayında Azərbaycan tərəfə keçib və diversiya qrupunun üzvü elan edilib. -02D-

2015 Aprel 07 (Çərşənbə axşamı) 12:00:52

Aprelin 7-də Gəncə Ağır Cinayətlər Məhkəməsində erməni hərbiçisi Arsen Baqdasaryanın işi üzrə hazırlıq iclası başlayıb. O, cəbhə xəttini 26 dekabr 2014-cü ildə keçib və saxlanılıb. Azərbaycan tərəfi onu kəşfiyyat-diversiya qrupunun üzvü hesab edir.

Məhkəmədəki mənbələrdən Turan-a verilən məlumata görə, Baqdasaryan tərcüməçi və vəkillə təmin edilib və Gəncə İstintaq Təcridxanasının xüsusi kamerasında saxlanılır.

Baqdasaryana qarşı bir sıra ağır ittihamlar irəli sürülüb: adam öldürməyə cəhd, diversiya və s. Bu maddələr üzrə o, 15 ilədək azadlıqdan məhrum edilə bilər.

Ermənistan tərəfi iddia edir ki, əsir düşərkən Baqdasaryan hərbiçi deyildi və o, Azərbaycan tərəfə təsadüfən keçib. -02D-