Dünən Strasburqda AŞPA-nın sessiyasında Avropa ölkələrində media azadlığı və jurnalistlərin hüquqlarının müdafiəsi ilə bağlı vəziyyət haqqında qətnamə qəbul edilib.
Sənəddə Avropa Şurası ölkələrinin hakimiyyətlərinə jurnalistlərin fəaliyyəti üçün təhlükəsiz şəraitin təmin edilməsi üzrə addımlar atmaq çağırışı yer alır.
Qətnamədə Azərbaycandakı əlverişsiz vəziyyət ayrıca vurğulanır.
Xüsusən, ölkənin ali rəhbərliyinin korrupsiya faktlarını araşdıran həbs edilmiş jurnalist Xədicə İsmayılovanın adı çəkilir. Qətnamədə Bakı onu və digər jurnalistləri azad etməyə və onların təqibinə son qoymağa çağırılır.
Bundan başqa, qətlə yetirilmiş mətbuat işçiləri arasında qatilləri indiyədək tapılmamış jurnalistlər Elmar Hüseynovun və Rafiq Tağının adı çəkilir.
AŞPA Bakını təqsirsizlik prezumpsiyasına və ifadə azadlığına hörmət etməyə çağırıb.
Xatırladaq ki, sənəd Xorvatiyalı deputat Qvojden Fleqo tərəfindən hazırlanıb. -16D-
Siyasət
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
Rəy yaz