Cümə günü Vyanada AŞPA Daimi Komitəsinin iclasında britaniyalı deputat Robert Uolkerin Azərbayanda 9 oktyabr prezident seçkilərinin yekunları haqqında məruzəsi təsdiq edilib.
Bu məruzədə seçkilər azad, ədalətli və şəffaf kimi qiymətləndirilsə də, AŞPA hesab edir ki, bu ölkədə fundamental azadlıqlar “ciddi narahatlıq doğurur”, bu barədə Turan-a AŞPA mətbuat xidmətindən bildiriblər.
Uolkerin hesabatında həmçinin qeyd edilir ki, Azərbaycan hakimiyyəti ümumi demokratik prosesin bir hissəsi olan ifadə, toplaşmaq azadlıqlarının təmin edilməsi üçün addımlar atmalıdır.
AŞPA həmçinin Azərbaycan hakimiyyətini Venesiya Komissiyasının seçki qanunvericiliyi ilə bağlı tövsiyələrini qəbul etməyə və əhalinin gələcək seçkilərdə real seçim edə bilməsi üçün “güclü və real müxalifət” formalaşdırılması üçün addımlar atmağa çağırıb. -02D-
Siyasət
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
-
Azərbaycan prezidenti İlham Əliyevin 6 fevral tarixli sərəncamı ilə Sahil Babayev əmək və əhalinin sosial müdafiəsi naziri vəzifəsindən azad edilib.
Rəy yaz