AŞPA-da korrupsiyaya qarşı mübarizəyə dair qətnamə layihəsi təqdim edilib
Bakı/11.03.19/Turan: Niderlanddan olan deputat Mart van de Ven AŞPA Hüquq Məsələləri və İnsan Hüquqları Komitəsinə "Landromat: korrupsiyaya və pulların yuyulmasına qarşı mübarizə ilə bağlı beynəlxalq çağırışlara cavab verərkən" adlı hesabatın layihəsini təqdim edib.
Sənəddə Avropa Şurası üzvlərinin korrupsiya sxemlərində iştirakı, təşkilat üzvü olan ayrı-ayrı ölkələr tərəfindən deputatların ələ alınması faktlarından danışılır.
Əsasən "Azərbaycan landromatı" adlı əvvəlki sənəd xatırladılır. Sənədə görə, rəsmi Bakı öz imicinin yaxşılaşdırılması, Azərbaycanda insan hüquq və azadlıqlarının pozulmasını tənqid edən sənədlərin qarşısının alınması üçün 3 mlrd. avro ödəyib.
Məruzəçi Azərbaycandan qanunsuz maliyyələşmənin hansı yollarla həyata keçirildiyini, bunda kimlərin iştirak etdiyini və hansı səbəblərdən mümkün olduğunu ətraflı təsvir edir.
Sənəddə qeyd olunub ki, Avropa Şurası həmin korrupsiya sövdələşməsinin iştirakçıları - pulları italiyalı deputat, digər deputatların ələ alınmasında əsas rol oynayan Luka Volonteyə göndərən azərbaycanlı deputatlar Elxan Süleymanov və Müslüm Məmmədova qarşı konkret tədbirlər qəbul etməyib.
Sənəddə gələcəkdə belə hallara yol verilməməsi üçün zəruri addımların atılmasının, bu qalmaqalın iştirakçılarının cəzalandırılmasının vacibliyindən və Avropa Şurasında bu cür metodların tətbiqinə yol verən üzv ölkələrin məsuliyyətindən danışılır.
Hesabat martın 4-də Hüquq Məsələləri və İnsan Hüquqları Komitəsinin iclasında qəbul edilib.
Gözlənildiyi kimi, sənəd apreldə Strasburqda AŞPA-nın yaz sessiyasının müzakirəsinə çıxarılacaq. 16D-
-
- Cəmiyyət
- 11 Mart 2019 17:37
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz