Strasburq/24.01.18/Turan: AŞPA-da Azərbaycan nümayəndə heyətinin rəhbəri Səməd Seyidov bu gün Ermənistan prezidentinin Strasburqda AŞPA sessiyasında çıxışından sonra onu beynəlxalq ictimaiyyəti aldatmaqda və hərbi cinayətlər törətməkdə ittiham edib.
"Niyə siz öz çıxışınızda Qarabağda hərbi birləşmələrə rəhbərlik etdiyiniz zaman törədilmiş Xocalı soyqırımı haqqında heç nə demədiniz?
Niyə BMT Təhlükəsizlik Şurasının Azərbaycan torpaqlarının azad edilməsi haqqında qətnamələrini yerinə yetirmirsiniz?", deyə Seyidov Sarkisyanın çıxışından sonra bildirib.
Buna cavab olaraq Sarkisyan AŞPA-da Azərbaycan nümayəndə heyətinin rəhbəri Səməd Seyidova sakitləşməyi məsləhət görüb və qeyd edib k i, "hərbi lider deyil, Qarabağın hüquqları uğrunda ədalətli mübarizənin iştirakçısı olub".
O, "Xocalı soyqırımını" da inkar edib, bunun ermənilərlə əlaqəsi olmadığını qeyd edib.
"Soyqırım olmayan, həm də Ermənistan tərəfindən törədilməyən bir şeyi soyqırım adlandırmaq nəyə lazımdır?", deyə o bildirib.
Daha sonra o, Azərbaycanı BMT Təhlükəsizlik Şurasının dörd qətnaməsini pozmaqda ittiham edib.
O, sonda qeyd edib ki, Azərbaycan Qarabağı qaytarmaq istəyir, amma bu, mümkün deyil.
"Siz açıq-aşkar bildirirsiniz ki, sizə Qarabağ ermənilərsiz lazımdır. Bu, mümkün deyil. Bu, heç vaxt olmayacaq", deyə Sarkisyan bildirib.
Azərbaycanın altı nümayəndəsi Ermənistan prezidentinə suallar verməyə çalışıb, amma sədr vaxt çatmadığına istinad edib. -02D-
Siyasət
-
Noyabrın 15-də bir qrup iqlim fəalı Bakıda Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) Afrika qitəsində ətraf mühitin çirkləndirilməsi, böyük şirkətlərin ekoloji duruma neqativ təsiri, faydalı qazıntılardan əldə edilən gəlirin bir hissəsinin iqlim fəalkətlərinin bərpasına yönəldilməməsinə etiraz olaraq aksiya keçirib.
-
Noyabrın 15-də iqlim fəalları Bakıda Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) iri ekoloji çirkləndiricilərə qarşı aksiya keçiriblər.
-
Azərbaycan prezidenti İlham Əliyev "Fələstin dövlətinin milli bayramı" münasibətilə Fələstin prezidenti Mahmud Abbasa təbrik məktubu göndərib. Məktubda deyilir: “Fələstin dövlətinin milli bayramı münasibətilə sizə və sizin simanızda bütün xalqınıza öz adımdan və Azərbaycan xalqı adından ən səmimi təbriklərimi və xoş arzularımı çatdırıram.
-
"Qlobal iqlim siyasəti prosesi artıq öz məqsədinə uyğun gəlmir və planetar sabitliyin və bəşəriyyətin layiqli gələcəyini təmin etmək üçün hərtərəfli düzəliş tələb edir". Bu barədə dünya liderlərinin Bakıda COP29-da toplaşdığı vaxtda bir qrup görkəmli alim və siyasətçinin Birləşmiş Millətlər Təşkilatına üzv dövlətlərə və Birləşmiş Millətlər Təşkilatı Çərçivə Konvensiyasının icraçı katibi Simon Ştilə açıq məktubunda deyilir.
Rəy yaz