AŞPA həmməruzəçiləri Turan agentliyinin ofisində olublar
Bakı/15.09.17/Turan: Avropa Şurası Parlament Assambleyasının Monitorinq Komitəsinin həmməruzəçiləri Stefan Şenak və Florin Preda cümə günü Turan İnformasiya Agentliyinin ofisində olublar, qurumun rəhbəri, sentyabrın 11-də həbsdən azad edilmiş Mehman Əliyevlə görüşüblər.
"Vergilər Nazirliyi tərəfindən Turan-a qarşı araşdırmanın başladıldığı ilk günlərdən biz Azərbaycanda müstəqil və səhih informasiya mənbəyi hesab olunan agentliyə dəstəyimizi ifadə etmişik", deyə Stefan Şenak bildirib.
Həmməruzəçilər Turan rəhbərinə qarşı qətimkan tədbirinin dəyişdirilməsindən məmnunluqlarını və cinayət işinə xitam veriləcəyinə və agentliyin fəaliyyətini bərpa edə biləcəyinə ümidlərini ifadə ediblər.
Mehman Əliyev həmməruzəçilərə, habelə bütünlükdə Avropa Şurasına agentliyə göstərdikləri dəstəyə və həbsdən azad edilməsi üzrə səylərinə görə minnətdarlıq edib.
Görüşdə Azərbaycanda KİV və vətəndaş cəmiyyəti sahəsində vəziyyət, habelə gələcəkdə agentliyin fəaliyyət perspektivləri və inkişafı haqqında fikir mübadiləsi aparılıb. -0-
-
- Cəmiyyət
- 15 Sentyabr 2017 14:09
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz