AŞPA korrupsiyanın araşdırılması üzrə müstəqil qrupun yaradılması barədə qərarı təsdiqləyib
Strasburq/26.04.17/Turan: Çərşənbə günü Avropa Şurası Parlament Assambleyasının (AŞPA) iclasında deputatlar AŞPA üzvləri arasında korrupsiya faktlarının araşdırılması üzrə müstəqil qrupun yaradılması barədə qərarı təsdiqləyiblər.
Qrupa AŞPA-nın hazırki və keçmiş üzvləri tərəfindən Assambleyanın Davranış Kodeksinin pozulması faktlarının araşdırılması tapşırılıb.
Qrup AŞPA-nın etik standartlarının pozulub-pozulmadığına aydınlıq gətirməlidir.
Qrupa tapşırılıb ki, bu məlumatlar əsasında Parlament Assambleyası üzvlərinin Davranış Kodeksinin 19 və 20-ci bəndlərinə uyğun olaraq Assambleyanın hazırki və ya keçmiş üzvlərinə qarşı tədbirlərin görülməsi üçün sübutların yetərli olub-olmadığını müəyyən etsin.
Nəhayət, qrup gələcəkdə bu cür halların aradan qaldırılması üçün atılacaq addımlarla bağlı tövsiyələr hazırlamalıdır.
Korrupsiya faktlarının araşdırılması üzrə qrupun yaradılması barədə qərar ötən gün Avropa Şurası Bürosunda qəbul edilib. Qrupun tərkibi Büronun növbəti iclasında təsdiqlənəcək.
Xatırladaq ki, korrupsiya qalmaqalının mərkəzində AŞPA rəhbəri Pedro Aqramunt və onun keçmiş müavini Luka Volonte durur.
İtaliyalı L.Volonte Azərbaycan nümayəndələrindən pul almaqda, P.Aqramunt isə rəsmi Bakı və Rusiyanın maraqlarının lobbiləşdirilməsində ittiham olunur. -02D-
-
- İqtisadiyyat
- 26 Aprel 2017 16:28
-
- Maliyyə
- 26 Aprel 2017 17:35
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz