![AŞPA məruzəçiləri Anar Məmmədlinin həbsindən narahatdır](https://turan.az/resized/750/500/resize/media/2014/main/010700064445.jpg)
AŞPA məruzəçiləri Anar Məmmədlinin həbsindən narahatdır
Avropa Şurası Parlament Assambleyasının Monitorinq qrupunun məruzəçiləri Pedro Aqramunt (İspaniya) və Cozef Debono Qrex (Malta) Anar Məmmədlinin həbsindən dərin narahatlıqlarını ifadə ediblər.
AŞPA mətbuat xidmətinin məlumatında deyilir ki, A.Məmmədli Seçkiləri Monitorinq Mərkəzinin rəhbəridir. O, Azərbaycanda son prezident seçkilərinin monitorinqini aparıb və pozuntular haqqında tənqidi hesabatlar dərc edib.
Bu QHT Avropa Şurası da daxil olmaqla, insan hüquqları üzrə beynəlxalq təşkilatlarla əməkdaşlıq edir. Məruzəçilər Bakıda və Strasburqda bir neçə dəfə onunla görüşüblər.
“İbtidai həbs barədə qərar ədalət məhkəməsinin siyasi motivli olması ilə bağlı şübhələr doğurur ki, biz bu barədə Azərbaycanın öhdəliklərini yerinə yetirməsinə dair bu yaxınlardakı məruzəmizdə bildirmişdik”, - bəyanatda deyilir.
“Məhkəmənin ədalətliliyi, dəqiq desək, Azərbaycanda müstəqil məhkəmənin olmaması ciddi narahatlıqlar doğurur”, - sənəddə qeyd olunur.
“Biz Azərbaycan hakimiyyətini məhkəmə çəkişmələrinin şəffaflığını, Azərbaycanın öhdəliklərinə və Avropa İnsan Hüquqları Konvensiyasının 5 və 6-cı maddələrinə tam uyğunluğunu təmin etməyə çağırırıq.
Biz bütün proseduru diqqətlə izləyəcəyik və ilin əvvəlində səfərimiz zamanı bu məsələni hakimiyyətin qarşısında qaldıracağıq”, - bəyanatda bildirilib. -02D-
-
- Foto sessiyalar
- 7 Yanvar 2014 11:44
-
- İqtisadiyyat
- 7 Yanvar 2014 12:12
Siyasət
-
İyulun 17-də “Azel” TV saytının rəhbəri Əfqan Sadıqovun Tbilisidən Ankaraya getməsinə icazə verilməyib. Onu sərhəd-pasport nəzarətində saxlayaraq geri qaytarıblar. Bu barədə Turan agentliyinə Sadıqov özü bildirib.
-
Azərbaycan tərəfi Avropa siyasi birliyinin sammiti çərçivəsində Londonda Paşinyan-Əliyev görüşü ilə bağlı erməni tərəfinin təklifini qəbul etməyib. Bu barədə iyulun 18-də Ermənistan Xarici İşlər Nazirliyinin mətbuat katibi Ani Bədəlyan bildirib.
-
İyulun 18-də Avropa siyasi icmasının Birləşmiş Krallığın Vudstok şəhərində keçirilən sammiti çərçivəsində Azərbaycan Respublikasının xarici işlər naziri Ceyhun Bayramov və Birləşmiş Krallığın xarici işlər, birlik və inkişaf məsələləri üzrə dövlət katibi Devid Lemmi arasında görüş keçirilib.
-
Azərbaycan tərəfi bildirir ki, Londonda Ermənistanın baş naziri Nikol Paşinyan prezident İlham Əliyevlə görüşdən imtina edib. Bu barədə Azərbaycan prezidentinin köməkçisi Hikmət Hacıyev yerli KİV-ə bildirib. Onun sözlərinə görə, Britaniya ikitərəfli görüş keçirməyi təklif edib.
Rəy yaz