“AtaHolding” ASC 27 dekabrda ötən ilin mayında buraxılan səhmlərin bir hissəsini yerləşdirib. Emissiyanın ümumi həcmi şirkətlər qrupunun 2013-cü ilin əvvəli üçün ziyanından çox olub.
Bakı Fond Birjasının məlumatına görə, bir əqdlə ümumi nominal qiyməti 4 mln 232 min 448 manat olan səhmlər holdinqin üç səhmdarından birinə satılıb. Mövcud səhmdarlara səhm almaq üçün 11 aylıq imtiyaz müddəti ayrılıb. Holdinqin nizamnamə kapitalının artırılması üçün emissiya həcmi 38 845 min manatdır.
İlin sonunda holdinq öz saytında 2012-ci il üçün beynəlxalq standartlara uyğun maliyyə hesabatını açıqlayıb. Audit rəyi Deloitte &Touche şirkətinə məxsusdur. Sənədə əsasən, 2012-ci ildə holdinqin illik ziyanı 3 mln manatı keçib. Amma ötən ilin əvvəli üçün 35 mln manat məbləğində ziyan formalaşıb. Beləliklə, ödənilmiş səhmdar kapitalı 83,9 mln manat olmaqla, nəzarət edilməyən şirkətlərdəki 5,5 mln manat pay nəzərə alınmaqla səhmdar kapitalı 61,8 mln manat azalıb. Emissiya prospektində vəsaitin hansı layihə üçün cəlb edildiyi göstərilmir. Yəqin, onlar itirilən kapitalın bərpası üçün holdinqə lazımdır.
2012-ci ildə “AtaHolding” ASC-nin aktivləri 55,4 mln manat (21,3%) artaraq 315 mln-u keçib. Holdinq aktiv investisiya siyasəti həyata keçirib. Hesabata əsasən, il ərzində investisiya ödənişləri 80,9 mln manata çatıb. Qoyulan investisiyaların satışından 68,3 mln manat mədaxil olub.
“AtaHolding” ASC maliyyə hesabatını açıqlayan nadir şirkətlərdən biridir.
“AtaHolding” ASC 2003-cü ildən fəaliyyət göstərir. Səhmdarları “HUGHSON MANAGEMENT İNC” – 51%, “CLONMEL İNTERNATİONAL İNC” – 24% (hər ikisi Panamada qeydiyyatdan keçib) və “ASBET Ltd.”dir – 25% (Seyşel adaları). Əvvəlki dəfə holdinq 7 mln manat məbləğində səhmi 2010-cu ildə yerləşdirib.
Aktivlərinin strukturuna görə “AtaHolding”i holdinq şirkətlərinin birinci qrupuna daxil etmək olar. Holdinq “AtaBank”, “AtaQida”, “AtaMarketinq”, “AtaAqro”da 76%, “Bank VTB-də (Azerbaijan)” 49%, “AtaSığorta”, “AtaHolding-Georgia” və “İnter-Turizm”də 100%, “AtaTurizm”, “Ataİnsaat”, “AtaTexnologiya” və “AtaSənaye”də 90% paya malikdir. “Excelsior Hotel Baku” oteli də bu holdinqə məxsusdur. --08B—
İqtisadiyyat
-
Dövlət Gömrük Komitəsinin məlumatına görə, bu ilin ilk on bir ayı ərzində Azərbaycan dəmir yolu ilə 6,96 milyon ton yük daşımış və bu yüklərin dəyəri 3,01 milyard dollar təşkil etmişdir. Bu, 2023-cü ilin eyni dövrü ilə müqayisədə həcm baxımından 4%, dəyər baxımından isə 10,1% azalma deməkdir.
-
Azərbaycan Respublikasının Nazirlər Kabineti ölkənin rəqabət qanunvericiliyi çərçivəsində sazişlərin təsdiqlənməsini tənzimləyən qaydalar qəbul edib. Bu addım hüquqi çərçivəyə uyğunluğu artırmaq və bazar şəffaflığını gücləndirmək məqsədi daşıyır.
-
Erməni işğalından azad edilmiş ərazilərin bərpası ilə bağlı Azərbaycanın ambisiyalı proqramı geniş şəkildə bir mənbədən satınalma metodlarından istifadə edilməsi səbəbindən diqqət çəkir və şəffaflıq və korrupsiya ilə bağlı narahatlıqlar yaradır.
-
Azərbaycan 2024-cü ilin yanvar-noyabr ayları ərzində buğda idxalının 2023-cü ilin eyni dövrü ilə müqayisədə 2% artdığını qeydə alıb ki, bu da daxili tələbatı ödəmək üçün xarici mənbələrdən asılılığın davam etdiyini göstərir. Bu artım, 2024-cü ildə daxili buğda istehsalının 148,100 ton azalması fonunda baş verir və idxal tədarükünə olan ehtiyacı daha da artırır.
Rəy yaz