AŞPA məruzəçiləri Saleh Rüstəmovu azad etməyə çağırırıb
Bakı/11.12.21/Turan: Avropa Şurası Parlament Assambleyasının (AŞPA) Azərbaycanın monitorinqi üzrə məruzəçiləri Stefan Şennax (Avstriya, SOC) və Riçard Bekon (Birləşmiş Krallıq, AK/DA) Salehin səhhətindən ciddi narahat olduqlarını bildiriblər. Azərbaycan Xalq Cəbhəsi Partiyasının (AXCP) fəalı Rüstəmov 2018-ci ildə hüquq müdafiəçiləri tərəfindən ədalətsiz və əsassız hesab edilən məhkəmə prosesindən sonra 7 il 3 ay müddətinə azadlıqdan məhrum edilib.
“Cənab Rüstəmovun işi ədalətin müstəqil olmamasının bir çox nümunələrindən biridir və Azərbaycanda əsas narahatlıq doğuran hakimiyyəti tənqid edənlərə qarşı uzun müddət davam edən repressiya nümunəsidir”, - deyə məruzəçilər bildirib.
Müxalifət siyasətçiləri, hüquq müdafiəçiləri, müstəqil jurnalistlər təqiblərə məruz qalmaqda davam edir və həbsdə olan hökuməti tənqid edənlərə qarşı işgəncə və digər pis rəftar xəbərləri geniş yayılmaqdadır, məruzəçilərin bəyanatında daha sonra bildirir.
“Azərbaycanda siyasi məhbuslarla bağlı bildirilmiş hallarla bağlı Assambleyanın bu yaxınlarda qəbul etdiyi 2322 (2020) saylı Qərarına istinad edərək, biz Azərbaycan hakimiyyətini bütün iddia edilən siyasi məhbusların işlərinə yenidən baxmağa çağırırıq. Xüsusilə, biz onları cənab Rüstəmovu humanitar əsaslarla onun məhkəməsinə müstəqil və ədalətli yenidən baxılana qədər dərhal azad etməyə çağırırıq”, - deyə məruzəçilər daha sonra bildirib.-0-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz