![AŞPA rəhbəri vətəndaş cəmiyyətinin fəalları ilə görüşüb](https://turan.az/resized/750/500/resize/media/2013/main/052700037659.jpg)
AŞPA rəhbəri vətəndaş cəmiyyətinin fəalları ilə görüşüb
Azərbaycanda səfərdə olan AŞPA rəhbəri Jan Klod Minyon bu gün vətəndaş cəmiyyətinin fəalları ilə görüşüb. Görüşdə hüquq müdafiəçiləri Emin Hüseynov, Səidə Qocamanlı, İntiqam Əliyev, Zəlihə Tahirova, Arzu Abdullayeva, eləcə də REAL hərəkatının direktoru Natiq Cəfərli və vəkil Aslan İsmayılov iştirak ediblər.
E.Hüseynov Turan-a bildirib ki, vətəndaş cəmiyyətinin fəalları diqqəti prezident seçkiləri ərəfəsində insan hüquqlarının pisləşməsinə, siyasi məhbus probleminin kəskinləşməsinə yönəldib.
Bundan əlavə, Azərbaycanın Avropa Şurasına daxil olmasından sonra qanunvericiliyin sərtləşdirilməsi faktları qeydə alınıb.
Vətəndaş cəmiyyətinin nümayəndələri AŞPA-nı Azərbaycan hakimiyyətinə qarşı mövqeyini sərtləşdirməyə, Avropa İnsan Hüquqları Məhkəməsində şikayətlərə baxılmasının sürətləndirməyə çağırıb.
Öz növbəsində Minyon bildirib ki, qaldırılan məsələlər məruzəçilər Aqramunt və Qrexin hesabatı əsasında hazırlanmış AŞPA yanvar qətnaməsində əksini tapıb.
O, diqqəti prezident seçkilərinə qədər Seçki Məcəlləsində islahatlarla bağlı AŞ Venesiya Komissiyasının təkliflərinin nəzərə alınmasına diqqəti yönəldib.
Minyon həmçinin bildirib ki, prezident İlham Əliyevlə görüş zamanı o, həbsdə olan REAL hərəkatının rəhbəri İlqar Məmmədovla bağlı məsələ qaldırıb.
O həmçinin bildirib ki, AŞ Azərbaycanın öz öhdəliklərinin yerinə yetirilməsi üzrə monitorinqini sürətləndirəcək.
Öz növbəsində vətəndaş cəmiyyətinin nümayəndələri Azərbaycanın Nazirlər Komitəsinə sədrliyə daxil olmasının mümkünsüz olduğunu qeyd ediblər.
Minyon AŞ-nin vətəndaş cəmiyyəti ilə əməkdaşlığa hazır olduğunu bildirib və dialoq yolu ilə problemin həllinə tərəfdar olduğunu vurğulayıb.06B-
-
- Siyasət
- 27 May 2013 15:05
-
- İqtisadiyyat
- 27 May 2013 15:26
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz