![Açiq mənbələrdən foto.](https://turan.az/resized/media/2023/main/101100067878-750-500-resize.webp)
Açiq mənbələrdən foto.
AŞPA sağçı ekstremizmə qarşı mübarizə tədbirləri təklif edib
Bakı/11.10.23/Turan: AŞPA son illər ksenofobiya, irqçilik və dözümsüzlüyün digər formaları ilə əsaslandırılan ifrat sağçı zorakılığın artmasından narahatlığını bildirərək, dünən azərbaycanlı deputat Səməd Seyidovun məruzəsinə əsaslanan qətnaməni qəbul edib.
Sənəddə vurğulanır ki, bəzi üzv dövlətlər terrorçuluğun ifrat sağçı formalarını qarşılaşdıqları "ən sürətlə artan və ya ən ciddi" daxili təhlükəsizlik təhdidləri hesab edirlər.
"Sağçı ekstremizmin qarşısının alınmasının ən səmərəli üsulu Avropa Şurasının fundamental dəyərlərinə sadiqliyin güclənməsidir.
Sağçı ekstremizmə və ədavətin qızışdırılmasına qarşı səmərəli mübarizə məqsədilə AŞPA üzv dövlətləri mövcud qanunvericiliyi təkmilləşdirməyə, təhsil və media savadlılığına şərait yaratmağa, habelə onlayn radikallaşmaya qarşı mübarizə aparmağa çağırıb.
Xüsusən, ifrat sağçı ideologiyanı təbliğ edən məzmunun aradan qaldırılması üçün sosial şəbəkə platformaları və texnologiya şirkətləri ilə əməkdaşlıq təklif olunur.
AŞPA həmçinin "dəqiq və əsaslandırılmış məlumatın üstünlüyünü təmin edərək" həddindən artıq sağçı qruplaşmalar tərəfindən yayılan yanlış məlumat və təbliğata qarşı mübarizə strategiyası işləyib hazırlamağı tövsiyə edir.
Assambleya polisin ekstremistlərə qarşı səmərəli mübarizə mexanizmlərini tətbiq etməyi vacib hesab edir.
Nəhayət, AŞPA qeyd edib ki, siyasətçilər və siyasi partiyalar insan hüquqlarını və demokratik prinsipləri açıq-aşkar müdafiə edərək və irqçiliyin və dözümsüzlüyün bütün formalarını, ədavətin qızışdırılmasını birmənalı şəkildə təkzib edərək, bu təzahürə reaksiyada ön sıralarda olmalıdır.
Assambleya siyasi partiyaları qeyri-irqçi və inklüziv cəmiyyət qurulması üçün Avropa Siyasi Partiyaları Xartiyasını imzalamağa çağırıb. 16С06
-
- Maliyyə
- 11 Oktyabr 2023 15:02
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz