Aşqabadda Xəzəryanı dövlət nümayəndələrinin görüşü açılıb

Sentyabrın 26-da Türkmənistan XİN-də Xəzəryanı dövlətlərin səlahiyyətli nümayəndələrinin ikinci iclası başlayıb. Nümayəndələr Türkmənistan və Xəzəryanı dövlətlər arasında əməkdaşlığın hüquqi bazasının işlənib hazırlanmasını davam etdirəcəklər.

Xüsusən, tərəflər Xəzər dənizində təbii və texnogen xarakterli fövqəladə vəziyyətlərin yaranmasının qarşısının alınması və onların nəticələrinin aradan qaldırılması sahəsində əməkdaşlıq haqqında Saziş layihəsini müzakirə edəcəklər.

Görüşdə qeyd edilib ki, dünya iqtisadiyyatının inkişaf templəri və istiqamətləri fonunda təbiəti mühafizə tədbirlərinin aktuallığı BMT iştirakçısı olan dövlətlərin müsbət təcrübəsini nəzərə almaqla, ekoloji problemlər üzrə əməkdaşlığın yeni formatlarının təşkil edilməsi zərurətini diktə edir.

Həmçinin Türkmənistan mütəxəssisləri tərəfindən işlənib hazırlanmış Türkmənistanın Milli Xəzər Fəaliyyət Planının əhəmiyyəti qeyd edilib. Planda sənaye obyektlərinin ətraf mühiti çirkləndirməsinin qarşısının alınmasına, Xəzərin bioloji müxtəlifliyinin qorunub saxlanılması, səmərəli istifadə, bioloji resursların təkrar istehsalına yönəlmiş əsas vəzifələr və konkret tədbirlər müəyyən edilib. -02D-