![Açiq mənbələrdən foto.](https://turan.az/resized/media/2022/main/101400052501-750-500-resize.webp)
Açiq mənbələrdən foto.
Astanada Rusiya, Azərbaycan və Ermənistan XİN başçılarının üçtərəfli görüşü keçiriləcək /YENİLƏNİB/
Bakı/14.10.22/Turan: Oktyabrın 14-də Astanada Rusiya, Azərbaycan və Ermənistan XİN başçılarının görüşü keçirilib.
Görüşü açan RF XİN başçısı Sergey Lavrov deyib ki, 2020-2021-ci illərdə üç ölkə liderinin bəyanatları Ermənistan və Azərbaycan arasında münasibətlərin bütün aspektlərinin nizamlanması, Cənubi Qafqazda möhkəm sülh və sabitliyin bərqərar olunması üçün əsas yaradır.
"İqtisadi və nəqliyyat əlaqələrinin açılması, Rusiya tərəfin məsləhət dəstəyi ilə Azərbaycan və Ermənistan arasında ikitərəfli komissiya yaradılması yolu ilə delimitasiya haqqında razılaşmalara əlavə olaraq, sülh müqaviləsinin razılaşdırılması ayrıca mövzudur.
Bu gün bu mövzunu müzakirə etmək və liderlərimizə imzaladıqları razılaşmaların yerinə yetirilməsi ilə bağlı nə məlumat verə biləcəyimizə baxmaq üçün yaxşı fürsətdir", deyə RF XİN-in saytı Lavrovdan sitat gətirir.
Öz növbəsində, Azərbaycan XİN başçısı Ceyhun Bayramov deyib ki, Düşənbədə bir neçə ikitərəfli və çoxtərəfli görüşlərdən sonra vəziyyətin inkişafını müzakirə etmək faydalı olardı.
Sülh müqaviləsi, dövlət sərhədinin delimitasiyası, kommunikasiyaların açılması və humanitar məsələlərə xüsusi diqqət yetirilməlidir.
Ermənistanın XİN başçısı Ararat Mirzoyan deyib ki, Astanadakı görüş Ermənistan və Azərbaycan arasında bütün aspektlər üzrə münasibətlərin normallaşması, habelə Dağlıq Qarabağ münaqişəsinin liderlərimizin üçtərəfli bəyanatları çərçivəsində nizamlanması haqqında danışmaq və həll yolu tapmağa çalışmaq üçün yaxşı imkandır. 02D
-
- Mədəniyyət
- 14 Oktyabr 2022 12:53
-
- Cəmiyyət
- 14 Oktyabr 2022 13:21
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz