![ATƏT baş katibi Qarabağ münaqişəsində status-kvo-nun saxlanmasının yolverilməz olduğunu bildirib](https://turan.az/resized/750/500/resize/media/2012/main/070900004931.jpg)
ATƏT baş katibi Qarabağ münaqişəsində status-kvo-nun saxlanmasının yolverilməz olduğunu bildirib
ATƏT Azərbaycanın beynəlxalq öhdəliklərini yerinə yetirməsi məqsədilə ölkə ilə əməkdaşlığı davam etdirəcək. Bu barədə Bakıda bugünki mətbuat konfransında ATƏT-in baş katibi Lamberto Zanyer Azərbaycan XİN rəhbəri Elmar Məmmədyarovla danışıqları başa çatdıqdan sonra bildirib.
Zanyer ATƏT-in Bakı ofisinin fəaliyyətinin üç istiqamətini qeyd edib. Birincisi siyasi və hərbi istiqamətdir və bu sahədə Azərbaycan polisinə dəstək layihələri həyata keçirilir.
İkinci prioritet iqtisadiyyat və ətraf mühit, xüsusən kiçik və orta biznesə və ekoloji proqramlara dəstəkdir.
ATƏT-in işinin üçüncü istiqaməti insan ölçümü, vətəndaş cəmiyyətinin gücləndirilməsi, məhkəmələrin monitorinqi, pulsuz hüquqi xidmətlərdir.
Öz növbəsində, Məmmədyarov bildirib ki, Zanyer seçkilərin keçirilməsi üzrə bir sıra təkliflər irəli sürüb. Bu məsələlərdən başqa, tərəflər Qarabağ tənzimlənməsinə böyük diqqət yetiriblər.
ATƏT baş katibi qoşunların təmas xəttində insan qurbanları ilə müşaiyət olunan silahlı insidentlərin çoxalması ilə bağlı narahatlığını bildirib.
O, bu hadisələri qəbuledilməz və yolverilməz adlandırıb. İnsanların həlak olmasının qarşısının alınması üzrə təxirəsalınmaz tədbirlər görülməlidir. Bununla belə, o, hazırki status-kvo-nun saxlanmasının yolverilməz olduğunu qeyd edib.
Onun fikrincə, güc tətbiqindən uzaq olmaq Qarabağ nizamlanmasının əsas prinsipi olmalıdır.
Zanyer ATƏT-in monitorinq rolunun gücləndirilməsi, snayperlərin çıxarılması, qarşılıqlı etimad tədbirlərinin görülməsi, təmas xəttində hadisələrin araşdırılmasının tərəfdarı olduğunu bildirib. O, bir tərəfdən atəşkəs rejimi gücləndirilməli, digər tərəfdən münaqişənin siyasi həlli prosesinin sürətləndirilməsi zərurətini vurğulayıb.
Tərəflər özləri razılıq əldə etməlidir, ATƏT isə danışıqlar üçün meydan yaradır. O qeyd edib ki, münaqişənin sülh yolu ilə həllinin alternativi yoxdur.
Hadisələrin araşdırılması mexanizmlərinə gəlincə, ATƏT baş katibi bildirib ki, bu məsələ daha çox ATƏT MQ-nin həmsədrlərinə aiddir. Onun fikrincə, söhbət tərəflərin bu araşdırmaların prosedurları haqqında razılıq əldə edəcəkləri halda ictimaiyyətin bu barədə məlumatlandırılmasından gedir.
Zanyer həmçinin yaxın günlərdə ATƏT MQ həmsədrlərinin regiona səfər edəcəyini bildirib.
Məmmədyarovun fikrincə, “problem mexanizmlərdə deyil, Azərbaycan torpaqlarının işğal edilməsindədir”. Ermənistan işğal edilmiş ərazilərdən qoşunlarını çıxarsa, snayperlərin çıxarılması, insidentlər və onların araşdırılması mexanizmləri ilə bağlı məsələlər də gündəlikdən çıxacaq. -06C-
-
- Söz istəyirəm
- 9 İyul 2012 13:43
-
- Cəmiyyət
- 9 İyul 2012 15:20
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz