Azərbaycan Respublikasinin Prezidentinə Müraciət

Iran Islam Respublikasinin vətendaşı, Talişunas alim, yaziçi, publisisist Ali Abdoli Hamzali oqlondan

Azərbaycan Respublikasinin Prezidentinə,

AR-nin Baş Prokururuna,

AR-nin Daxili ishlər nazirinə,

 Azərbaycan Respublikasinin və mütərəqqi  Beynəlxalq ictimayyətinə

                                            Müraciət:

Son günlər Azərbaycan Respublikası Daxili İşlər Nazirliyi və Prokurorluğu Hilal Məmmədovun həbs edilməsi ilə əlaqədar müştərək bəyanat yayıb. Məlum bəyanatda mənə qarşı da bəzi ittihamlar səəsləndirilib və bir sıra Qərb mediası da sözügedən bəyanata istinadan “İran və Azərbaycan respublikası əlaqələri  yeni ittihamlar əsasında yenidən gərginləşib” başlıqlı xəbər dərc edib.

Baxmayaraq ki, məni yaxından tanıyan şəxslər yaxşı bilirlər ki, mən 30 ildir ki, dövlət vəzifələrindən (işlərdən) məhrum olmuşam və bu müddət ərzində nə etdiyimi və necə yaşamağımı bilirlər. Ona görə də özümü müdafiə etməyi luzum görmürəm. Amma sözügedən xəbər məni uzaqdan tanıyanlar üçün yanlış təsəvvürlərə səbəb ola biləcəyini nəzərə alıb, özüm,işim və fəaliyyətim barədə qısaca məlumat verməyi lazım bilirəm.

Mən bir İran vətəndaşı olaraq heç bir idarə, şirkət nəzdində və ya hansısa bir şəxsə qulluq etmirəm. Mən müstəqil tədqiqatçı kimi 40 ildir ki, mədəniyyət sahəsində  təmənnasız və minnətsiz fəaliyyət göstərirəm. Təəssüflər olsun ki, bir neçə ildir ki, Bakıda repressiv rejim heç bir dəlil olmadan mənim şəxsiyyətimi anti-İran siyasətinin hədəfinə alıb. Mən bir Talışşünas kimi tanındığıma görə, məlum rejim hər dəfə bir mədəniyyət fəalı və ya jurnalisti məhv etmək istədikdə, mənim adımı irəli çəkir və rəsmi bəyanat və xəbərlərdə mənə qarşı əsassız ittihamlar irəli sürür. Bir neçə gün öncə “Tolışi sədo” qəzetinin redaktoru Hilal Məmmədov öncə narkotik maddə saxlama maddəsi ilə ittiham edildi və daha sonra qəfildən həmin ittihamı milli təhlükəsizliyə qarşı ittihamı ilə əvəzləyərək bir daha rəsmi  bəyanat yaydılar və məni ona qarşı irəli sürülən ittihamlarda əməkdaş kimi qələmə veriblər.

Halbuki hamı bilir ki, mən 40 ildir ki, bir müstəqil araşdırmaçı kimi öz hesabıma peyşəkarcasına Tatçılıq  və Talışünaslıq sahəsində fəaliyyət göstərirəm və bu tədqiqatlarımın nəticəsi olaraq indiyə qədər 18 ünvanda kitab və 40 məqalə dərc etmişəm. Həmin fəaliyyətlərimə görə 1992-ci ildə Azərbaycan Milli Akademiyası məni fəxri dokturluq dərəcəsi ilə təltif edib.

Mən heç bir idarə və şirkətdən hüquq almıram. Gilanın Rizvanşəhr şəhərində bir kiçik kitab və dəftər ləvazimatları mağazası işlədir və onunla özümü, xanımımı və işsiz gənc övladımı təmin edirəm. Artıq 61 yaşımda ağır məişət təzyiqləri altında elə yorğun və iztirablıyam ki, başqa məsələ barədə düşünməyə vaxtım və gücüm yoxdur.

Vətənim İranı sevirəm və onun uğrunda canımı qurban verməyə belə hazıram. Amma ona xidmat etmak yulnda  heç vaxt siyasi oyunlara qoşulmamışam və ittiham olunmağım üçün heç bir qeyri-səhih işə əl atmamışam.

Hilal Məmmədov da digər Talış mədəniyyət fəalları kimi uzun illərdir ki, mənimlə dostdur və mən bu dostluqla fəxr edirəm. Amma bizim aramızda gizli heç nə olmayıb. Bəlli olan əməkdaşlığımız da heç vaxt Talış incəsənəti və mədəniyyəti çərçivsəindən qırağa çıxmayıb. Mən mərhum Novruzəli Məmmədovla da dost olmuşam. Təəssüflər olsun ki, repressiv rejim onu mənimlə əməkdaşlıq etdiyinə görə qətlə yetirdi və indi də Hilalı öldürmək niyyətinədir. Sonra növbə kimə çatacaq, Allah bilir. Ona görə ki, bu rejim milli azlıqları, xüsusi ilə Azərbaycan respublikası talışlarını boğmaq niyyətindədir. Bu sahədə hər kəs başını tərpətsə, Bakı polisi tərəfindən məhv ediləcək. Mən də bütün azad əqidəli insanlar kimi bu məsələdən narahatam. Amma bir dövlətin öz etnik azlıqları üçün meydana gətirdiyi pis durumu əvəz etmək gücündə deyiləm. Amma şəxsiyyətimin belə bir dövlətin əlində oyuncağa çevirilməsinə də icazə verməyəcəyəm.

                                    Ali Abdoli Hamzali oqlo  

Yaşayiş  ünvanim(adress): Gilanın Rizvanşəhr 

Tel-n nömrəsi:09113369879

E-mail unvanim: aliabdoli1@yahoo.com

Əgər barəmdə ətraflı məlumat əldə etmək istəsəniz şəxsi saytıma müraciət edə bilərdsiniz:   www.taleshan.com