![ATƏT-in Bakı ofisi 2014-cü idə layihə əlaqələndiricisi statusunda fəaliyyət göstərəcək](https://turan.az/resized/750/500/resize/media/2013/main/112600058994.jpg)
ATƏT-in Bakı ofisi 2014-cü idə layihə əlaqələndiricisi statusunda fəaliyyət göstərəcək
2014-cü il yanvarın 1-dən ATƏT-in Bakı ofisi layihə əlaqələndiricisi statusunda fəaliyyət göstərəcək. ATƏT-in baş ofisi bununla bağlı qərar qəbul edib. Vyanada bu ilin iyulunda bununla bağlı müzakirələr aparılıb. Amma danışıqlar hələ tam başa çatmayıb.
Bu barədə ATƏT-in Bakı ofisinin rəhbəri Koray Tarqay Turan-ın sualının cavabında bildirib.
Onun sözlərinə görə, Bakı ofisində əməkdaşların sayının azaldılıb-azaldılmayacağı məsələsi hələ tam həllini tapmayıb. “Ofisin əməkdaşlarının sayının azaldılıb-azaldılmaması danışıqların mövzusudur. Bununla bağlı hələ yekdil bir fikir yoxdur”, - o qeyd edib.
ATƏT-in Demokratik Təsisatlar və İnsan Hüquqları Bürosunun (ATƏT/DTİHB) prezident seçkiləri ilə bağlı yekun hesabatı yaxınlarda dərc olunacaq.
K.Tarqay ATƏT/DTİHB-nin prezident seçkiləri ilə bağlı ilkin hesabatından sonra Azərbaycan rəsmilərinin tənqidinə ATƏT-in münasibəti ilə bağlı sualın cavabında deyib ki, ATƏT qərar verən qurum deyil. “Hesabatda məqsəd ATƏT üzvü kimi Azərbaycanda demokratiya, insan hüquqları meydanını da daha da genişləndirməkdir”, o bildirib.
K.Tarqay son iki sual onun mandatına daxil olmadığı üçün geniş cavab verməyib.-03B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz