Ombudsman Pərviz Həşimliyə baş çəkib

 Ombudsman Elmira Süleymanova və onun əməkdaşları MTN-in təcridxanasında saxlanılan Pərviz Həşimliyə və digərlərinə baş çəkiblər.  Başçəkmənin nəticələri ilə bağlı məlumatda deyilir ki, başçəkmə planlı olub. Məqsəd orada saxlanılan şəxslərlə görüşmək, saxlanma şəraitini və vəziyyəti araşdırmaq olub.  

“Pərviz Həşimli ilə görüş zamanı o, saxlanma şəraiti və qidalanmadan narazılıq etməyib. Eyni zamanda ittiham olunduğu maddələrlə razılaşmadığını, barəsində olan istintaqın sürətləndirilməsi, ailəsi ilə görüş və telefon danışıqları verilməsi, istədiyi qəzetlərlə təmin olunması və Bakı İstintaq Təcridxanasına köçürülməsi ilə bağlı müvəkkilə müraciət edib «  , - məlumatda deyilir. 

Sonra ombusman bildirib ki, P.Həşimli heş bir aclıq keçirmir. Saxlandığı müddətdə həkimlər onu müayinə ediblər, narahatlıq üçün əsas yoxdur.

Xatırladaq ki, jurnalistin vəkili bildirib ki, bazar ertəsindən P.Həşimli həbsinin əsassız olmasına etiraz olaraq aclığa  başlayıb.

MTN onu silah qaçaqmalçılığı ittihamı ilə həbs edib. Lakin jurnalistin yaxınları bildirirlər ki, həbsə səbəb AXCP lideri Əli Kərimlini ləkələyən materilalın dərcindən imtina etməsi səbəb olub.-02D-