Təmir işləri ilə əlaqədar noyabrın 26-da 3 rayonda qaz verilişi məhdudlaşdırılacaq, deyə «Azəriqaz» məlumat verir.
Məlumata əsasən, saat 09:00-dan 17:00-dək Quba, saat 10:00-dan 18:00-dək Xaçmazın Xudat şəhərində, 11:00-dan 14:00-dək Yevlaxın Kövər sahəsində təbii qaz verilişində fasilələr yaranacaq.
Noyabrın 26-da Binəqədi, Xəzər və Sabunçu rayonlarının bir hissəsində də təbii qaz verilişində fasilələr olacaq.
Bakı və rayonlarda qaz verilişində məhdudiyyətlər qazlaşdırma və qaz təchizatının yaxşılaşdırılması tədbirləri ilə bağlıdır. 2013-cü ildə ölkə üzrə qazlaşdırmanı 90 %-ə çatdırmaq planlaşdırılır. –12D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz