Avropa Yenidənqurma və İnkişaf Bankı (AYİB) SOCAR Turkey-in tikəcəyi Star NEZ-in tikintisi üçün kreditinin təsdiqini 29 yanvar 2014-cü ilə təxirə salıb.
Qeyd edək ki, kreditin ayrılması üç dəfədir təxirə salınır. Əvvəllər bu tarix 16 oktyabra, sonra 29 oktyabra, daha sonra 10 dekabra keçirilib. Formal səbəb layihənin yekun qiymətləndirilməsinin başa çatmaması, qiymətin $ 5.1 mlrd-dan $ 5.3 mlrd-a artırılmasıdır.
Maliyyələşmədə AYİB-lə yanaşı kommersiya bankları da iştirak edəcək. AYİB 150 $ mln ayırmağa hazır olduğunu bildirib.
Layihədə ARDNŞ 41,5 %, ARDNF 40%, “TURCAS Petrol A.S” - 18,5 % paya malikdir. Zavodun gücü 10 mln ton olacaq.
ARDNŞ “Star”da avro-5 standartına uyğun yanacaq istehsal edəcək.
Əvvəllər ARDNŞ-nin Türkiyə bankları ilə danışıqları dalana dirənmişdi. Şirkət Türkiyə banklarından tələb olunan $ 4,35 mlrd əvəzinə $ 2,5 mlrd ala bilib.
Xatırladaq ki, ARDNŞ prezidenti Rövnəq Abdullayev ötən ilin martında Türkiyə banklarının 15 rəhbərini Bakıya dəvət etmişdi. Bankirlər şirkətin Türkiyədəki layihələri ilə tanış edilmişdilər. Danışıqlar nəticəsində Abdullayev ARDNŞ layihələrinin maliyyələşməsinə razılıq almışdı, amma sonradan bank rəhbərləri qərarlarını dəyişdi. –12D--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz