![«Azərbaycan Beynəlxalq Bankı» ASC-nin səhm emissiyası qeydiyyata alınıb](https://turan.az/resized/./turan-750-500-resize.webp)
«Azərbaycan Beynəlxalq Bankı» ASC-nin səhm emissiyası qeydiyyata alınıb
«Azərbaycan Beynəlxalq Bankı» ASC yaxın vaxtlarda ümumi nominal qiyməti 200 mln manat olan səhm partiyası yerləşdirəcək. 25 noyabrda bankın səhm emissiyası qeydiyyata alınıb.
Cəmi nominalı 0,26 manat olan 769230775 səhm buraxılıb. Bir qayda olaraq ABB səhmlərin 12 ay ərzində yerləşdiriləcəyini elan edir, ilk 10 ayda səhmdarlar imtiyaz hüququndan istifadə edir. Əvvəlki səhm emissiyası (416 666,6 min ədəd) bu ilin aprelində başa çatıb. Onda səhmlərin nominalı 0,24 manat idi.
Qiymətli Kağızlar üzrə Dövlət Komitəsi yeni emissiyanı AZ1003004582 nömrəsi ilə qeydiyyata alıb. Hazırda ABB-nin nizamnamə kapitalı 368 mln manatdır.
Nizamnamə kapitalının artırılması barədə qərar 18 oktyabrda səhmdarların ümumi yığıncağında qəbul edilib. Səhmdarlar 4 ilə nizamnamə kapitalını 500 mln manat artırmaq barədə qərar qəbul ediblər. Sonrakı 3 ildə kapital ildə 100 mln manat artırılacaq. Bank faktiki hökumətin nəzarətindədir (səhm nəzarət paketi dövlətindir). Ona görə Beynəlxalq Valyuta Fondu bu qərara qarşıdır və bankın özəlləşdirilməsini və bu dövrdə kapitalın artırılmamasını tövsiyə edib. Göründüyü kimi, hökumət bu məsləhətə qulaq asmayıb. Bu gün ABB-nin səhm emissiyasını Turan-a şərh edən maliyyə naziri Samir Şərifov deyib ki, «BVF tövsiyə edir, qərarı isə hökumət qəbul edir».
ABB 1992-ci ildə SSRİ Vneşekonombankının Azərbaycan şöbəsinin bazasında yaradılıb. Səhmlərin 50,2%-i Maliyyə Nazirliyi idarə edir. Bank şirkətlər qrupudur, Azərbaycan, Gürcüstan və Rusiyada 3 bank, sığorta, lizinq, prosessinq şirkətindən ibarətdir.
Hazırda ABB-nin bir səhmi bazarda 0,20 manatdır. 08D
-
- Söz istəyirəm
- 26 Noyabr 2013 10:30
-
- İqtisadiyyat
- 26 Noyabr 2013 11:13
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz