![ATƏT-in jurnalistlərin təhlükəsizliyi mövzusunda konfransı](https://turan.az/resized/media/2016/main/102800173150-750-500-resize.webp)
ATƏT-in jurnalistlərin təhlükəsizliyi mövzusunda konfransı
Vyanada ATƏT-in himayəsilə “Münaqişələr zamanı jurnalistlərin təhlükəsizliyi, söz azadlığı və plüralizm” mövzusunda ikigünlük konfrans keçirilir.
Konfransın adı məsələnin mürəkkəbliyindən irəli gəlir, belə ki, BMT-nin, ATƏT də daxil olmaqla, müxtəlif Avropa qurumlarının çoxsaylı qətnamələrinə baxmayaraq, münaqişəli vəziyyətlərdə çalışan jurnalistlərin təhlükəsizlik problemi getdikcə pisləşir.
Avstriya XİN İnsan Hüquqları Departamentinin rəhbəri Gerhard Doujakın sözlərinə görə, son vaxtlar həlak olan jurnalistlərin 81%-i öz fəaliyyətinə görə məqsədyönlü şəkildə öldürülıüb.
“Son 20 ildə hökumətin jurnalistlərə təzyiqlərinin artması müşahidə olunur ki, bu da özünü əsasən böhranlı vəziyyətlərdə göstərir. BMT-nin jurnalistlərin müdafiəsi üzrə 222 saylı qətnaməsi isə yerinə yetirilmir”,- ATƏT-in KİV azadlığı üzrə nümayəndəsi Dunya Miyatoviç bildirib.
O, jurnalistlərin təhlükəsizliyində əsas problem kimi dövlətin bu sahədə götürdüyü öhdəlikləri yerinə yetirməkdən yayınmasını və ya imtina etməsini göstərib. “Öhdəliklərin yerinə yetirilməsi vacibdir, çünki bu, KİV-də əminlik yaradır ki, o, dövlət və beynəlxalq birlik tərəfindən müdafiə olunur və dəstəklənir”, - Miyatoviç vurğulayıb.
“KİV azadlığı təbliğatın təzyiqi altındadır”, - Almaniyanın ATƏT-dəki səfiri Eberhard Pol belə hesab edir. O qeyd edib ki, bəzi dövlətlərin KİV-i nəzarətə götürmək cəhdləri artır.
Avropa İttifaqı Fundamental Hüquqlar Agentliyinin direktoru Mixael О’Flaherti bildirib ki, jurnalistlər xüsusi xidmət tərəfindən, KİV isə maliyyə və iqtisadi təzyiqlərə məruz qalır.
Almaniyalı səfirin fikrincə, jurnalistlərin ən yaxşı müdafiəsi işi KİV-in siyasi və iqtisadi müstəqilliyidir ki, bu, söz azadlığı məsələsində beynəlxalq siyasətdə öndə olmalıdır.
Avropa Şurasının İnformasiya Departamentinin rəhbəri Patrik Penninks deyib ki, AŞ üzvü olan ölkələrin 50%-də jurnalistlərin təhlükəsizliyinə zəmanət yoxdur, vəziyyətin pis olduğu ölkələrdə isə durum daha da pisləşib. “Bütün beynəlxalq təşkilatların birlikdə bu problemi həll etməsinin vaxtı çatıb”, - o, zala müraciət edib.
Turan agentliyi qeyd edir ki, təəssüf ki, konfransın gedişi bəzi nümayəndələrin jurnalistlərin təhlükəsizliyi mövzusunu kənara qoyaraq tədbirdən təbliğat və konyektura məqsədləri üçün istifadəyə cəhd göstərdiyini nümayiş etdirib.—0—
-
- Cəmiyyət
- 28 Oktyabr 2016 10:34
-
- İqtisadiyyat
- 28 Oktyabr 2016 11:16
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz