Ukraynanın XİN rəhbəri və ATƏT-in hazırki sədri Leonid Kojara Qarabağ münaqişəsinin tənzimlənməsi məqsədilə Cənubi Qafqaz regionuna səfər edəcək. Bu barədə Nyu-Yorkda səfərdə olan nazir BMT-nin qərargah-mənzilində jurnalistlərə bildirib.
“Gürcüstan, Ermənistan və Azərbaycana səfər etməyə və Azərbaycan və Ermənistan arasında hazırki çəkişmələrin həlli yollarını müzakirə etməyə hazırlaşıram”, deyə Kojara Ukraynanın Qafqazda “dondurulmuş münaqişələrin” tənzimlənməsində planları haqqında suala cavab verərkən bildirib.
“Başa düşürük ki, vəziyyət o qədər də sadə deyil... Danışıqlar prosesinə təkan vermək istəyirik və hiss edirik ki, Vyanada ATƏT vasitəsilə, həmçinin Aİ-nin “Şərq Tərəfdaşlığı” kimi proqramlar vasitəsilə yaxşı dinamika var”, deyə Kojara bildirib.
O, həmçinin parlamentin forumu çərçivəsində Ermənistan və Azərbaycan nümayəndə heyətlərinin bir-biri ilə söhbət edə biləcəyini xatırladıb. ATƏT-in Bakı ofisindən Turan-a verilən məlumata görə, Kojaranın səfəri iyunun ortalarında gözlənilir. -02D-
Siyasət
-
Azərbaycan Prezidentinin köməkçisi Hikmət Hacıyev İrana səfəri çərçivəsində İran Prezidentinin müşaviri Mehdi Sənayi ilə görüşüb.
-
Yanvarın 31-də Bakı Ağır Cinayətlər Məhkəməsində müxalifətçi siyasətçi Tofiq Yaqublunun işi üzrə prosesdə sənədlərin araşdırılması davam edib.
-
Maştağa qəsəbəsində yaşayan dini fəal Elvin Zeynalov yanvarın 31-də günorta evinin yaxınlığındakı mağazanın qarşısında mülki şəxslər tərəfindən saxlanılıb.
-
Strasburqda Avropa Sarayında Avropa Şurası Parlament Assambleyasının qış sessiyasında "Azərbaycanda insan hüquqları sahəsində narahatlıq doğuran böhrana” həsr olunmuş "paralel tədbir" keçirilib.
Rəy yaz