![ATƏT təmsilçisi qurumun Bakı ofisinin statusunun azaldılmasına etiraz edib](https://turan.az/resized/750/500/resize/media/2013/main/050700035475.jpg)
ATƏT təmsilçisi qurumun Bakı ofisinin statusunun azaldılmasına etiraz edib
Ölkədə fəaliyyət göstərən siyasi partiyaların təmsilçiləri çərşənbə axşamı Bakıda səfərdə olan ATƏT-in Parlament Assambleyasının Cənubi Qafqaz üzrə məruzəçisi Joao Suareşlə görüşüblər. Bu haqda Turan-a görüşün iştirakçısı Pənah Hüseyn bildirib.
Onun sözlərinə görə, görüşdə ölkədəki ictmai-siyasi durum, ATƏT-in Bakı ofisinin statusu barədə fikir mübadiləsi aparılıb.
Belə ki, müxalif partiyalar ölkədə ictimai-siyasi durumun ağır olduğunu deyiblər. Repressiyaların güclənməsini, söz və ifadə, sərbəst toplamaq azadlıqlarının kobud şəkildə pozulduğunu qonağın nəzərinə çatdırıblar. Bununla yanaşı, iqtidarın ölkədə inzibati xətalarla bağlı cəzaları sərtləşdirməsi qeyd edilib.
Yalnız hakim Yeni Azərbaycan Partiyasının təmsilçisi, deputat Mübariz Qurbanlı buna etiraz ifadə edən mövqe sərgiləyib.
Öz növbəsində, ATƏT təmsilçisi J.Suareş Azərbaycandakı vəziyyət barədə məlumatları olduğunu deyib. ATƏT-in bu mənada Azərbaycana laızm olan köməyi göstərəcəyini bildirib. Eyni zamanda, ATƏT təmsilçisi ATƏT-in Bakı ofisinin statusunun azaldılmasına etiraz ifadə edib.
Görüşə Müsavat, Xalq Cəbhəsi, Ümid, Vətəndaş Həmrəyliyi, Böyük Quruluş və s. partiyaların təmsilçiləri qatılıblar. -05B-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz