![Avropa bankları maliyyələşməni təmin etməkdən imtina etdiyi bir vaxtda AİB Azərbaycana kömək edib - İ.Əliyev](https://turan.az/resized/news/2024/PNJoXGcCJDf31DNkw9DHycZJm6sRTP2piael1CS4-750-500-resize.webp)
Avropa bankları maliyyələşməni təmin etməkdən imtina etdiyi bir vaxtda AİB Azərbaycana kömək edib - İ.Əliyev
Avropa bankları maliyyələşməni təmin etməkdən imtina etdiyi bir vaxtda AİB Azərbaycana kömək edib - İ.Əliyev
İyunun 27-cə Azərbaycan prezidenti İlham Əliyev Asiya İnkişaf Bankının (AİB) rəhbəri Masatsuqu Asakavanı qəbul edib.
Dövlət başçısının saytının verdiyi məlumata görə, Əliyev Azərbaycan iqtisadiyyatının həm ölkəmiz, həm də regional əməkdaşlıq üçün önəm daşıyan sahələrinin inkişafına Bankın verdiyi dəstəyə görə minnətdarlığını bildirib.
Dövlət başçısı Azərbaycan təbii qazının nəql edilməsi layihələrinə Avropa maliyyə institutları tərəfindən bəzi maliyyə gecikmələrinin olduğu zaman bu məsələdə Asiya İnkişaf Bankının birmənalı dəstəyini yüksək qiymətləndirib.
"Azərbaycan Avropanı qazla təmin etdiyi halda Avropa bankları maliyyələşməni təmin etməyə hazırlıq nümayiş etdirməyiblər, lakin Asiya İnkişaf Bankı bunu edib", deyə Əliyev qeyd edib.
Onun sözlərinə görə, Azərbaycanın Xəzəryanı ölkələr və digər regionlarla güclü iqtisadi bağlantının yaradılması ilə əlaqədar Asiya İnkişaf Bankı ilə mövcud səmərəli əməkdaşlığın davam etdirilməsi məqsədilə yeni istiqamətlərin müəyyənləşdirilməsinin vacibliyini vurğulayıb.
Asakava gələcəkdə də Azərbaycanın qarşısında duran strateji prioritetlərin reallaşması istiqamətində Asiya İnkişaf Bankı ilə Azərbaycan arasında əməkdaşlığın uğurla davam edəcəyinə ümidvarlığını bildirib.
Söhbət zamanı yaşıl enerjinin istehsalı və ixracı məsələlərinə toxunulub.
Bundan başqa, Şimal-Cənub dəmir yolu layihəsi ilə bağlı əməkdaşlıq məsələlərinə toxunulub, Mərkəzi Asiya dövlətlərinin nəqliyyat sahəsində Azərbaycanla əlaqələrinin daha da genişləndirilməsinə dair fikir mübadiləsi aparılıb.
-
- Siyasət
- 27 İyun 2024 17:57
Siyasət
-
İyunun 28-də Bakının Nərimanov Rayon Məhkəməsi hakim Hafiz Kamranovun sədrliyi ilə İstanbul Universitetinin doktorantı Fazil Qasımov barəsində seçilmiş həbs qətimkan tədbirinin ev dustaqlığı tədbiri əvəz olunması barədə vəsatəti təmin etməyib.
-
İranın 14-cü prezident seçkilərində islahatçılar qanadına aid olan Məsud Pezeşkian 43,5 faiz səslə liderdir. Onun ardınca 37,7 faiz səslə konservatorlar qanadından Səid Cəlili gəlir. Bu barədə islam respublikasının seçki qərargahının nümayəndəsi Möhsün Eslami bildirib, xəbəri Anadolu Agentliyi yayıb.
-
İranda keçirilən növbədənkənar prezident seçkilərində 12 milyon səsin sayılmasının nəticələrinə görə islahatçı qanaddan namizəd olan parlamentin keçmiş deputatı Məsud Pezeşkian liderdir, bu barədə IRIB telekanalının efirində ölkənin seçki qərargahının nümayəndəsi Möhsün Eslami bildirib.
-
İyunun 22-28-də Xankəndi, Xocalı, Kəlbəcər və Laçında külli miqdarda silah-sursat aşkarlanıb. Bu barədə bu gün DİN məlumat yayıb.
Rəy yaz