Açiq mənbələrdən foto.
Bakı/17.03.22/Turan: Martın 24-də Avropa İnsan Hüquqları Məhkəməsi "Azadlıq" qəzetinin baş redaktoru, Avropada siyasi mühacirətdə olan Qənimət Zayidovun (Zahid) şikayəti üzrə qərarını açıqlayacaq. Bu barədə Turan-a hüquqşünas Xalid Ağaliyev bildirib.
Onun sözlərinə görə, şikayət Azərbaycanda Zahidin xuliqanlıq ittihamı ilə mühakimə olunduğu zaman həbsxanada yazdığı kitabın əlyazmasının götürülməsi və məhv edilməsilə bağlıdır.
Zahid Konvensiyanın 10 (ifadə azadlığı), 6.1 (ədalətli məhkəmə çəkişməsi hüququ), 13 (effektiv hüquqi müdafiə vasitələri hüququ) və 14-cü (ayrı-seçkiliyin qadağan edilməsi) maddələri və Konvensiyaya 1 saylı Protokolun 1-ci maddəsi (mülkiyyət hüququ) üzrə hüquqlarının pozulmasının tanınmasını xahiş edir.- 16D
Siyasət
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
Rəy yaz