Avropa İttifaqı Azərbaycanda seçkilər ərəfəsində insan hüquqlarının pozulmasından narahatdır
Aİ-nin Xarici siyasət və təhlükəsizlik üzrə Ali Nümayəndəsi Ketrin Eşton və qonşuluq siyasəti və genişlənmə üzrə komissar Ştefan Füle Azərbaycanda prezident seçkiləri ərəfəsində vətəndaş cəmiyyəti fəallarına, hüquq müdafiəçilərinə, müxalifətçilərə, müstəqil mediaya qarşı təzyiqlərlə bağlı narahatlıqlarını bildiriblər.
Avropa Komissarlarının bu gün yayılmış birgə bəyanatında fəalların şübhəli ittihamlarla və insan hüquqları sahəsində beynəlxalq standartlar pozulmaqla həbs edilməsi ilə bağlı narahatlıq ifadə olunub.
Aİ Azərbaycan hökumətindən bu sahələrdə hüquqi prosedurlar çərçivəsində şəffaf və ədalətli araşdırmalar gözləyir.
Prezident seçkilərinin ədalətli mühitdə keçirilməsinin təmin edilməsi üçün əlverişli şərait yaradılması zərurəti xüsusi qeyd edilir.
Aİ Azərbaycanda insan hüquqları sahəsində vəziyyəti izləməkdə davam edir və ölkənin bu sahədə beynəlxalq öhdəliklərini yerinə yetirməsinə kömək etməyə hazırdır, deyə bəyanatın sonunda bildirilir. -1606D-
Siyasət
-
Ermənistanın xarici işlər naziri Ararat Mirzoyan Yerevanın silah almaqdan imtina etməsilə bağlı prezident İlham Əliyevin tələbini rədd edib.
-
Yanvarın 8-də İlham Əliyev İranın Ali Milli Təhlükəsizlik Şurasının katibi Əli Əkbər Əhmədianı qəbul edib. Əhmədian İranın ali lideri əli Xamenei və prezident Məsud Pezeşkianın salamlarını əliyevə çatdırıb.
-
Yanvarın 8-də Səbail Rayon Məhkəməsində “Kanal 13” televiziyasının rəhbəri Əziz Orucovun cinayət işi üzrə məhkəmə iclası keçirilib. İclas zamanı Orucovun vəkilləri onun barəsində həbs qətimkan tədbirinin ev dustaqlığı ilə əvəz edilməsinə dair vəsatət qaldırıblar. Lakin vəsatət təmin edilməyib.
-
Yanvarın 8-də dövlət basçısı İlham Əliyev Avropa İttifaqının Cənubi Qafqaz üzrə xüsusi nümayəndəsi Maqdalena Qrononu qəbul edib. Bu barədə Azərbaycan prezidentinin mətbuat xidməti bildirib. O, AZAL-ın təyyarə qəzası ilə bağlı dərin hüznlə başsağlığını çatdıraraq, aviaqəzanın bütün səbəblərinin hərtərəfli şəkildə araşdırılacağına ümidvar olduğunu bildirib.
Rəy yaz