Açiq mənbələrdən foto.
Bakı/13.10.22/Turan: Oktyabrın 13-də Avropa İttifaqı missiyasının texniki qrupu Ermənistana gələcək. Bu barədə cümə axşamı jurnalistlərə respublikanın xarici işlər nazirinin müavini Paruyr Ovannisyan bildirib.
O deyib ki, texniki qrup Ermənistan-Azərbaycan sərhədində Avropa İttifaqının faktaraşdırıcı missiyasının hansı meyarlara uyğun yerləşdirilməsini müzakirə edəcək.
Xatırladaq ki, iki ölkənin sərhədinə missiyanın göndərilməsi barədə qərar oktyabrın 6-da Praqada dördtərəfli görüşdə qəbul edilib.
Ermənistanın baş naziri Nikol Paşinyan Avropa İttifaqının Azərbaycanla sərhədboyu missiyasının işinə razılıq verib. Azərbaycan prezidenti iki ay ərzində missiyanın işinə razılıq verib.
Ötən gün Moskvada Rusiya Xarici İşlər Nazirliyinin rəhbəri Sergey Lavrov Ermənistan Xarici İşlər Nazirliyinin rəhbəri Ararat Mirzoyana bildirib ki, Kollektiv Təhlükəsizlik Müqaviləsi Təşkilatı regiona öz missiyasını göndərməyə hazırdır. Missiyanın gəlməsi məsələsi Yerevanın razılığından asılıdır.
Qeyd edək ki, Moskva Yerevanın regiona Avropadan müşahidəçilər dəvət etmək istəyindən qıcıqlandığını gizlətmir. Ötən gün Rusiya prezidentinin köməkçisi Uşakov Avropa İttifaqını açıq şəkildə regiondakı proseslərə "daxil olmaq" cəhdində və Rusiyanın sülhməramlı nailiyyətlərini mənimsəməkdə ittiham edib. 02D
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz