Avropa İttifaqı saytların bloklanmasını pisləyir
Bakı/15.05.17Turan: Avropa İttifaqı "Azadlıq Radiosu"nun Azərbaycan xidməti də daxil olmaqla, rəsmi Bakının 5 internet saytının bloklanmasını qərarını pisləyib. Bu Avropa İttifaqının sözçüsü Maya Koçiyançiç bildirib.
M.Koçiyançiç məhkəmənin saytların bloklanması ilə bağlı qərarını müasir və demokratik cəmiyyətdə azad və müstəqil mediaya zidd adlandırıb.
Bundan əvvəl isə "Freedom House" hüquq-müdafiə təşkilatının məhkəmənin bu qərarını pislədiyi nəzərə çatdırılır: "Azərbaycan hökuməti müstəqil media saytlarını qadağan etməklə Azərbaycan prezidenti İlham Əliyevin Azərbaycanda internet azadlığının olması ilə bağlı tez-tez istifadə etdiyi arqumentin doğru olmadığını göstərir", deyə təşkilatın beynəlxalq proqramlar üzrə vise-prezidenti Robert Herman deyib.
Xatırladaq ki, Səbail rayon Məhkəməsi mayın 12-də Azərbaycan Nəqliyyat, Rabitə və Yüksək Texnologiyalar Nazirliyinin iddiası ilə "Azadlıq Radisou"nun, "Azadlıq" qəzetinin, "Meydan TV"nin və "Azərbaycan saatı" proqramının internet saytı və "Turan TV" video kanalının bloklanması barədə qərar qəbul edib. -03D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz