Avropa İttifaqı Şurası Rusiyaya qarşı iqtisadi sanksiyaları daha 6 ay uzadıb
İyulun 22-də Avropa İttifaqı Şurası Ukraynaya hücum ilə əlaqədar Rusiyaya qarşı sanksiyaları daha 6 ay, 31 yanvar 2025-ci ilədək uzadıb.
İlk dəfə 2014-cü ildə tətbiq olunan sanksiyalar Rusiyanın Ukraynaya qarşı hərbi təcavüzünə cavab olaraq 2022-ci ilin fevralından xeyli genişləndirilib.
Hazırda sanksiyalar ticarət, maliyyə, texnologiya və ikili təyinatlı malları, sənaye, nəqliyyat və dəbdəbəli mallara qoyulan məhdudiyyətlərdən ibarətdir. Onlar həmçinin xam neftin və bəzi neft məhsullarının Rusiyadan Avropa İttifaqına dəniz yolu ilə idxalına və ya daşınmasına qadağa qoyulmasını, Rusiyanın bir neçə bankının SWIFT sistemindən ayrılmasını və Rusiya Federasiyası KİV-in Avropa İttifaqında yayımının dayandırılmasını əhatə edir.
24 fevral 2022-ci il tarixindən Avropa İttifaqı Rusiyanın Ukraynaya tammiqyaslı hücumuna cavab olaraq 14 sərt sanksiya paketi qəbul edib.
Avropa İttifaqı Şurası 27 iyun 2024-cü il tarixli rəylərində Ukraynanın beynəlxalq səviyyədə tanınmış sərhədləri daxilində müstəqilliyinə, suverenliyinə və ərazi bütövlüyünə öz daimi dəstəyini, həmçinin Avropa İttifaqının Ukraynaya daimi siyasi, maliyyə, iqtisadi, humanitar, hərbi və diplomatik dəstəyə sadiqliyini təsdiqləyib.
Siyasət
-
Azərbaycan Xarici İşlər Nazirliyi Avropa İttifaqı Şurasının Ermənistana Avropa Sülh Fondu çərçivəsində 10 milyon avro məbləğində hərbi yardım verilməsi barədə qərarını pisləyib Fransa tərəfindən Ermənistanın “Bastion” çoxməqsədli zirehli avtomobilləri və “Sezar” özüyeriyən artilleriya qurğuları ilə təchiz edilməsi istiqamətdə atılan addımlardan sonra, Avropa İttifaqının Ermənistana hərbi yardım göndərməsi qərarı olduqca yanlış və təhlükəli addımdır və regionda gərginliyin artmasına xidmət edir. Avropa İttifaqı tərəfindən bu kimi fəaliyyətlər açıq şəkildə birtərəfli və qərəzli xarakter daşıyır, bölgədə “bölücü xətlər” yaratmaq siyasətinin təzahürüdür. Bu barədə Azərbaycan Xarici İşlər Nazirliyinin mətbuat katibi Ayxan Hacızadə sözü gedən qərarı şərh edərək bildirib.
-
İyulun 22-də Azərbaycan prezidenti İlham Əliyev “ASAN Viza” sistemi haqqında” Əsasnamədə dəyişiklik edilməsi barədə fərman imzalayıb.
-
İstanbul Universitetinin doktorantı, iqtisadçı Fazil Qasımov 38-ci gündür Bakı İstintaq Təcridxanasında aclıq edir.
-
İran Hərbi Dəniz Qüvvələri və Xəzər dənizində fəaliyyət göstərən bütün dəniz təşkilatları tərəfindən ilk dəfə olaraq Xəzər dənizində hibrid axtarış, xilasetmə və təhlükəsizlik təlimi həyata keçirilib. Bu barədə İRNA agentliyi məlumat yayıb.
Rəy yaz