![Avropa Komissiyası Türkiyə ilə vizasız rejimin tətbiqini tövsiyə edir](https://turan.az/resized/media/2016/main/050400154938-750-500-resize.webp)
Avropa Komissiyası Türkiyə ilə vizasız rejimin tətbiqini tövsiyə edir
Avropa Komissiyası Türkiyə vətəndaşları üçün vizasız rejimin tətbiqini tövsiyə edib. Ancaq Ankara bundan ötrü bütün şərtləri yerinə yetirməlidir.
"Avropa Komissiyası Avropa İttifaqı Şurası və Avropa Parlamentinə Türkiyə vətəndaşları üçün viza tələblərinin aradan qaldırılmasını təklif edir və başa düşür ki, Türkiyə hakimiyyəti martın 18-də vəd etdiyi kimi bəzi şərtləri təcili yerinə yetirəcək»,- bu barədə Avropa komissarı Marqaret Vestagerin Twitter səhifəsində yerləşdirdiyi məlumatda deyilir.
Avropa Komissiyası sədrinin müavini Frans Timmermans bildirib ki, türklər iyunun sonunadək beş bəndi yerinə yetirməlidir. Söhbət korrupsiyanın qarşısının alınması, Avropa Komissiyası rəhbərliyi ilə operativ saziş haqqında danışıqların keçirilməsi, Aİ ölkələri ilə məhkəmə əməkdaşlığından gedir.
Bundan əlavə, Ankara məlumatların qorunması qaydalarını Avropa standartlarına uyğunlaşdırmalı və terrorizmə haqqında qanunvericiliyə yenidən baxmalıdır.
Həmçinin Avropa Komissiyası Aİ qanunvericiliyinə sazişin şərtləri pozulduğu halda vizasız rejimin dayandırılması üçün əlavə imkanların tətbiqini təklif edib.
Türkiyə üçün viza rejiminin liberallaşdırılması martda Ankara və Brüssel arasında bağlanan qaçqınlar haqqında sazişin bir hissəsidir. Bu çərçivədə Türkiyə 72 tələbi yerinə yetirməlidir.
Rejimin liberallaşdırılması yalnız qısamüddətli qalmalara — 90 günədək (180 günlük müddətdə) biznes, turizm və ailə məqsədləri üçün nəzərdə tutulur", - Avropa Komissiyası bildirib. -02D-
-
- İqtisadiyyat
- 4 May 2016 14:04
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz