![Avropa məhkəməsi Azərbaycanın 128,5 min avro məbləğində kompensasiya ödəməsi barədə qərar çıxarıb](https://turan.az/resized/750/500/resize/media/2019/main/092600021961.jpg)
Avropa məhkəməsi Azərbaycanın 128,5 min avro məbləğində kompensasiya ödəməsi barədə qərar çıxarıb
Bakı/26.09.19/Turan: Bu gün Avropa İnsan Hüquqları Məhkəməsi (AİHM) "Məcidli və digərləri Azərbaycana qarşı" işi üzrə qərarını açıqlayıb. Bu iş üzrə ərizəçi kimi 2010-2011-ci illərdə etiraz mitinqlərində iştiraka görə inzibati həbsə məruz qalmış 11 müxalifətçi çıxış edib. Bundan əlavə, 2011-ci il 2 aprel mitinqində iştiraka görə onlar 1 ildən 3 ilədək mühakimə olunmuşdular.
AİHM onların Avropa İnsan Hüquqları Konvensiyasının 5-ci (azadlıq və şəxsi toxunulmazlıq hüququ), 6-cı (ədalətli məhkəmə araşdırması hüququ), 10-cu (ifadə azadlığı hüququ), 11-ci (dinc toplaşma hüququ) maddələri üzrə hüquqlarının pozulduğunu müəyyən edib.
AİHM Məhəmməd Məcidli, Arif Hacılı, Tural Abbaslı, Fuad Qəhrəmanlı, Babək Həsənov, Zülfüqar Eyvazov, Elşən Həsənov, Sahib Kərimov, Arif Alışlı, Ülvü Quliyev və Rüfət Hacıbəyliyə məhkəmə xərcləri də daxil olmaqla, ümumilikdə 128,5 min avronun ödənilməsi barədə qərar çıxarıb.
Qeyd edək ki, bütün ərizəçilər bundan əvvəl hüquq müdafiəçiləri tərəfindən siyasi məhbuslar kimi tanınıblar. Onlardan biri, AXCP fəalı Babək Həsənov hazırda "AXCP-nin qanunsuz maliyyələşdirilməsi" işi üzrə həbsdədir. 06D--
-
- İqtisadiyyat
- 26 Sentyabr 2019 13:12
-
- Maliyyə
- 26 Sentyabr 2019 13:50
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz