![Avropa Məhkəməsi Azərbaycanla bağlı iki qərarı elan edib](https://turan.az/resized/750/500/resize/media/2016/main/021100146593.jpg)
Avropa Məhkəməsi Azərbaycanla bağlı iki qərarı elan edib
Fevralın 11-də Avropa İnsan Hüquqları Məhkəməsi Azərbaycanla bağlı iki qərarını elan edib.
Xüsusən, AİHM 2011-ci il martın 31-i və aprelin 2-də Bakıdakı etiraz aksiyalarında iştirak etdiklərinə görə saxlanılan İlham Hüseynli, Elçin Səlimov və İbrahim Əhmədzadənin şikayətlərini təmin edib. Onlar qaba rəftara məruz qalıb və inzibati qaydada həbs ediliblər. Yerli məhkəmələr onların şikayətlərinin heç birini təmin etməyib.
Avropa Məhkəməsi ərizəçilərin birləşmək (maddə 11), ədalətli məhkəmə araşdırması (maddə 6), azadlıq və toxunulmazlıq (maddə 5) hüquqlarının pozuntusunu tanıyıb.
Məhkəmənin qərarına əsasən, hökumət hüquqları pozulan gənc fəalların hər birinə 12 min avro təzminat ödəməlidir.
Məhkəmə həmçinin digər gənc fəallar - Ağasif İbrahimov, Emin Fərhadi və Cəmil Hacıyevin şikayətlərini təmin edib. Onlar 2011-ci ilin mayında “Gənc Siyasi Məhbusların Hüquqlarını Müdafiə Komitəsi” adından Bakıda etiraz aksiyası keçirmək istəyiblər, amma repressiyalara məruz qalıblar.
Avropa Məhkəməsi onların birləşmək (maddə 11), ədalətli məhkəmə araşdırması (maddə 6), azadlıq və toxunulmazlıq (maddə 5) hüquqlarının pozuntusunu tanıyıb və hər birinə 12 min avro təzminat və hüquqi xərclərin ödənilməsi üçün 5600 avro ödənilməsi barədə qərar qəbul edib.
Azərbaycan üç ay ərzində apellyasiya verməsə, AİHM-in qərarları qüvvəyə minəcək. -16C06-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz