![Açiq mənbələrdən foto.](https://turan.az/resized/media/2022/main/070700047962-750-500-resize.webp)
Açiq mənbələrdən foto.
Avropa məhkəməsi Rafiq Tağının qətlinə dair iş üzrə qərar qəbul edib
Bakı/07.07.22/Turan: İyulun 7-də Avropa İnsan Hüquqları Məhkəməsi azərbaycanlı publisist Rafiq Tağının qətlinə dair iş üzrə qərar çıxarıb.
Hüquqşünas Xalid Ağaliyevin Turan-a verdiyi məlumata görə, Avropa məhkəməsi bu işdə Avropa Konvensiyasının 2-ci maddəsinin (yaşamaq hüququ) pozulduğunu müəyyən edib.
Qərara əsasən Azərbaycan hökuməti iddiaçıya – mərhumun xanımına 12 min avro, məhkəmə xərclərinə görə 2 min avro kompensasiya ödəməlidir.
Xatırladaq ki, publisist 19 noyabr 2011-ci il tarixində evə gedərkən bıçaqlanıb, bundan bir neçə gün sonra dünyasını dəyişib.
2006-cı ildə islam dəyərlərini şübhə altına alan və xristianlığın üstünlüyünü bəyan edən "Avropa və biz" məqaləsini dərc etdirdiyinə görə həbs olunub. O, dini ədavəti qızışdırdığına görə üç il müddətinə azadlıqdan məhrum edilib.2007-ci ilin dekabrında əfv aktı ilə azad edilib.
2011-ci ildə o, "İran və qlobalizmin labüdlüyü" məqaləsini dərc edib. Bundan sonra iranlı ayətullah Lənkərani Məhəmməd peyğəmbəri təhqir etdiyinə görə Rafiq Tağının öldürülməsinə fətva verib.
10 gündən sonra – noyabrın 19-da publisistə sui-qəsd edilib. Naməlum şəxs ona bıçaqla bir neçə zərbə vurub və cinayət yerindən qaçıb. Bu cinayət açılmamış qalıb. 16D
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz