![Avropa Parlamenti öz müşahidə missiyasının rəyini araşdıracaq](https://turan.az/resized/750/500/resize/media/2013/main/101700053954.jpg)
Avropa Parlamenti öz müşahidə missiyasının rəyini araşdıracaq
Oktyabrın 16-da Demokratik Qüvvələrin Milli Şurasının prezidentliyə namizədi Cəmil Həsənli Brüsseldə, Avropa Parlamentində rəsmi görüşlərə davam edib.
Bir çox avropalı deputat və komitə üzvləriylə keçirilən görüşlərdə əsas müzakirə mövzusu 9 oktyabr seçkiləri və onun nəticələri olub.
Cəmil Həsənli həmçinin Avropa Parlamentində Xarici Əlaqələr komitəsinin sədri Elmar Brok (Almaniya Xristian Demokrat Partiyası) və Anna Gomeslə (Xarici Əlaqələr Komitəsinin sosialist nümayəndəsi) maraqlı görüş keçirib.
Avropa parlamentinin iki ən böyük siyasi qruplarının iki nüfuzlu üzvü Avropa Parlamentinin qısamüddətli müşahidə missiyasının Azərbaycanda seçkilərin azad və ədalətli keçirildiyinə dair bəyanatı ilə razılaşmadıqlarını bildiriblər. Hər iki deputat öz həmkarlarının verdiyi bəyanatla əlaqədar təəccübləndiklərini bildirərək, təəssüf hissi keçirdiklərini qeyd ediblər.
Həmçinin görüşdə o da qeyd olunub ki, onlar sözün həqiqi mənasında şokdadırlar ki, Avropa Parlamenti (AB) və Avropa Şurası Parlament Assambleyası seçkilərdə ciddi qanun pozuntusu olduğunu iddia edən ATƏT-in uzunmüddətli müşahidə missiyasının nəticələri ilə bir-birinə bu qədər zidd bəyanatlar veriblər.
Avropa Parlamentinin Xarici Əlaqələr Komitəsinin sədri Elmar Brok görüş zamanı 7 nəfərdən ibarət Avropa Parlamentinin müşahidə missiyasının rəyinin müzakirəyə çıxarılacağını və orada göstərilən faktların araşdırılacağını bildirib.
Dünən axşam, Cəmil Həsənliylə görüşdən dərhal sonra Avropa parlamentinin bir sıra xarici əlaqələr komitəsinin Azərbaycandakı seçkilərin nəticələri ilə bağlı növbədənkənar görüşü keçirilib və Avropa parlamentinin bir sıra deputatları qurumun müşahidə missiyasının Azərbaycandakı 9 oktyabr prezident seçkilərinə verdiyi rəylə qəti şəkildə razı olmadıqlarını bildiriblər.
Oktyabr ayının 17-də Cəmil Həsənli öz görüşlərini Strasburqda davam etdirib.
Siyasət
-
Müsavat Partiyasının Seçki qərargahına seçki gününün ilk saatlarından qanun pozuntuları barədə məlumatlar da daxil olur.
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
Rəy yaz