![Avropa Şurası Azərbaycanı �ən son addımını atmağa� çağırıb](https://turan.az/resized/media/2017/main/091400004496-750-500-resize.webp)
Avropa Şurası Azərbaycanı �ən son addımını atmağa� çağırıb
Bakı/13.09.17/Turan: Avropa Şurasının Baş Katibi Turbyern Yaqland Avropa İnsan Hüquqları Məhkəməsinin (AİHM) qərarına rəğmən siyasi məhbusun azadlığa buraxılmasından imtina etdiyinə görə Azərbaycana qarşı misli görünməmiş hüquqi hərəkət edilməsinə çağırıb.
Bu barədə "Azadlıq Radiosu" Britaniyanın "The Guardian" qəzetinə istinadla məlumat yayıb.
Yaqland 2013-cü ildə nümayişlərin təşkili və onlarda iştirak ittihamları ilə məhkum edilmiş "Respublikaçı Alternativ" hərəkatının lideri İlqar Məmmədovun işini nəzərdə tutur.
AİHM hakimləri onun əslində Azərbaycan hökumətini tənqid etdiyinə görə məhbus edildiyi barədə hökm çıxarsalar da, Azərbaycan siyasətçinin azadlığa buraxılmasından imtina edir.
Sentyabrın 13-də Avropa Şurasına daxil ölkə səfirlərinin iclasında Jagland AİHM qərarlarını icra etməməsinə görə Azərbaycana qarşı hüquqi prosedurun həyata keçirilməsinə çağırıb. Bu, Avropa Şurasının 68 illik tarixində misli görünməmiş addımdır.
Söhbət Avropa İnsan Hüquqları Məhkəməsinin 46.4-cü maddəsindən gedir, onun tətbiqi son nəticədə Azərbaycanın Avropa Şurasından çıxarılmasına gətirib çıxara bilər.
Çünki belə bir qərarın qəbul edilməsindən sonra AİHM Avropa Şurası Nazirlər (xarici işlər) Komitəsini müvafiq addımlar atmağa çağıra bilər.
"Biz Avropada siyasi məhbusların olmasına yol verə bilmərik və biz ən ali məhkəmənin qərarına rəğmən Azərbaycanın Məmmədovu azadlıqdan məhrum etməkdə davam etməsinə yol verə bilmərik...", deyə Yaqlandın The Guardian-a göndərilmiş bəyanatında bildirilir.
"Azərbaycanın Avropa Şurasının üzvü kimi öz öhdəlikləri barədə yaxşıca düşünməsinin və bu öhdəliklərə əməl etmək istəyib-istəmədiyi barədə qərar qəbul etməsinin vaxtı gəlib", deyə Avropa Şurasının Baş Katibi bildirib. -06D-
-
- Siyasət
- 14 Sentyabr 2017 13:22
-
- İqtisadiyyat
- 14 Sentyabr 2017 14:18
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz