Bakı/14.09.17/Turan: Avtomobil bazarında vəziyyət tədricən yaxşılaşır, idxalın 64% artması buna dəlalət edir. Amma bu, 2015-ci ilin göstəricilərindən xeyli aşağıdır, həmin ilin 8 ayı ərzində ölkəyə xaricdən təxminən dörd dəfə çox avtonəqliyyat vasitəsi gətirilmişdi.
Dövlət Gömrük Komitəsinin məlumatına görə, bu ilin səkkiz ayı ərzində Azərbaycana 5 min 662 ədəd müxtəlif təyinatlı avtomobil gətirilib ki, bu da 2016-cı ilin müvafiq dövrü ilə müqayisədə 2,2 min ədəd çoxdur. İdxal olunan avtomobillərin 86%-i (4874 ədəd) minik avtomobillərinin payına düşür. Sözügedən dövr ərzində xaricdən 134 avtobus və mikroavtobus alınıb ki, bu da ötən ilin müvafiq dövrünün göstəricisindən 80 ədəd çoxdur. Yük maşınlarının yenilənməsi də stabilləşir: ilin əvvəllərindən 603 ədəd yük avtomobili idxal olunub, bu da 2016-cı ilin yanvar-avqust aylarında olduğundan 2 dəfə çoxdur.
Qeyd edək ki, 2015-ci böhran ilində Azərbaycana 21,1 min avtonəqliyyat vasitəsi gətirilmişdi. 08D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz