Avropada fəaliyyət göstərən “Beynəlxalq Haqq və Ədalət Assosiasiyası”nın (BHƏA) Hollandiya nümayəndəliyi və Azərbaycan diaspor təşkilatları Hollandiya parlamenti önündə Azərbaycan iqtidarı əleyhinə aksiya keçirib. Bu xəbər Turan-a Assosiasiyadan daxil olub.
Aksiyada Azərbaycan iqtidarının dinc insanlara qarşı əsasssız repressiyaları pislənib. Keçmiş deputat Gülər Əhmədova ilə bağlı rüşvət olayına dair yayılan video görüntülərə toxunan natiqlər bu faktı Azərbaycanda heç vaxt demokratik seçkilər keçirilməməsinin göstəricisi kimi dəyərləndiriblər. Bu faktdan irəli gələrək, aksiya iştirakçıları qeyri-demokratik parlamentin buraxılmasını və demokratik seçki yolu ilə yeni parlament seçilməsini tələb ediblər. Natiqlər Azərbaycanda insan haqları sahəsindəki durumun dözülməz olduğunu deyərək, rəsmi Bakıdan insan haqq və azadlıqlarına hörmətli yanaşmağı tələb ediblər. Rəsmi Bakıya saxta ittihamlarla həbsə alınan siyasi məhbusların azad olunması çağırışı edilib. Assosiasiya rəhbərliyi dünya ictimaiyyətinin diqqətini Azərbaycan üzərində saxlaya bilmək üçün noyabrın sonuna kimi daha kütləvi aksiyalar keçirəcəyi haqda anons verib. Aksiyanın qətnaməsi Hollandiya parlamentinə təqdim olunub. -05D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz