![Avropalı diplomatlar Əli Kərimli ilə görüşüblər](https://turan.az/resized/news/2024/SM0DDLGO9PLJYx6Ilsr6uwB6CIyn4QwhxdwCNTrU-750-500-resize.webp)
Avropalı diplomatlar Əli Kərimli ilə görüşüblər
Avropalı diplomatlar Əli Kərimli ilə görüşüblər
Avqustun 12-də bir sıra Avropa ölkələrinin Azərbaycandakı səfirləri Azərbaycan Xalq Cəbhəsi Partiyasının sədri Əli Kərimnli ilə görüşüb.
Əli Kərimnli bildirib ki, əvvəlcə Böyük Britaniya Birləşmiş Krallığının Azərbaycandakı səfiri Fergus Auldi ilə görüşü olub.
“Görüşdə Azərbaycan Xalq Cəbhəsi Partiyası ətrafında yaranmış vəziyyət, partiyanın fəaliyyətinə yaradılan maneələr, mənə qarşı başlanmış cinayət işi, parlament seçkilərini partiyanın boykot etməsi, ölkədəki irimiqyaslı repressiyalar və bütövlükdə ictimai-siyasi vəziyyət, Azərbaycan-Böyük Britaniya münasibətləri müzakirə olundu”, - o, Facebook səhifəsində qeyd edib.
Kərimlinin sözlərinə görə, Avropa İttifaqının Bakıdakı nümayəndəliyində səfir Peter Mixalkonun təşkilatçılığı ilə Avropa İttifaqına üzv dövlətlərin səfir və digər diplomatları ilə də ətraflı görüşü olub.
“Avropa İttifaqına üzv ölkələrin səfirlərilə görüşümüzdə də mənə qarşı başladılmış cinayət işi, partiyamızın fəaliyyətilə bağlı davam edən məhkəmə işləri, Tofiq Yaqublu başda olmaqla, siyasi məhbusların taleyi, parlament seçkiləri ərəfəsi ölkədəki ictimai-siyasi vəziyyət, Azərbaycan-Avropa İttifaqı münasibətləri ətraflı müzakirə olundu”, - o qeyd edib.
Səfirlərin Əli Kərimli ilə görüşü avqustun 13-də onun barəsində xüsusi ittiham qaydasında keçiriləcək məhkəmədən bir gün öncəyə təsadüf edir.
Belə ki, bu partiyanın Nəzarət-Təftiş Komissiyasının sədri olmuş Aydın Əliyev Əli Kərimlinin barəsində xüsusi ittiham qaydasında Nəsimi Rayon Məhkəməsinə müraciət edib. O, Əli Kərimlini böhtanda ittiham edib.
Partiyada bu ittihamı rədd edirlər.
-
- Maliyyə
- 13 Avqust 2024 11:01
-
- İqtisadiyyat
- 13 Avqust 2024 11:14
Siyasət
-
ABŞ çərşənbə günü AXCP sədri Əli Kərimlinin Azərbaycanda təqib olunması ilə bağlı xəbərlərə münasibət bildirib.
-
Müsavat Partiyasının sədri İsa Qəmbər avqustun 14-də ATƏT-in Seçki Müşahidə Missiyasının rəhbəri Ditmir Buşati ilə görüşüb. Görüş Müsavat Partiyasının qərargahında keçirilib və sentyabrın 1-nə təyin olunan növbədənkənar parlament seçkiləri ilə bağlı müzakirələr aparılıb.
-
Türkiyə hakimiyyəti ölkəyə gələn hər kəsin barmaq izini götürmək barədə qərar verib. Bu barədə "Sabah" nəşri ölkənin daxili işlər naziri Ali Yerlikayaya istinadla xəbər yayıb. Lakin bu qərarın hansı tarixdən etibarən tətbiq ediləcəyi açıqlanmayıb.
-
İnternet provayderləri arasında sui-istifadə hallarına qarşı araşdırmalara başlanılıb, bu barədə avqustun 14-də İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti məlumat yayıb.
Rəy yaz