Seçkilərin Monitorinqi və Demokratiyanın Tədrisi Mərkəzi (SMDT) ilə əməkdaşlıq edən 794 nəfər müşahidəçi 9 oktyabr 2013-cü il prezident seçkisi günü Statistikaya Əsaslanmış Müşahidə (SƏM) metodologiyası əsasında seçki məntəqələrinin təşkili, səsvermə və səslərin sayılması prosesinin monitorinqini başa çatdırıb.
SMDT təəssüflə bildirir ki, bir qrup müşahidəçiyə seçki günü və seçki ərəfəsində təzyiqlər edilib. Belə ki, seçkiyə iki gün qalmış bir sıra bölgələrdə, o cümlədən, Gəncə, Quba və Bakıda yaşayan 41 nəfər şəxs müxtəlif təzyiqlər nəticəsində SMDT ilə əməkdaşlıqdan imtina edib. Baş verən təzyiqlərin siyasi xarakterli olması və seçki prosesində ictimai nəzarətin zəiflədilməsinə yönəldilməsi narahatlıq doğurur. Bu baxımdan SMDT bəyan edir ki, 9 oktyabr 2013-cü il seçkisinin müşahidəsi ilə bağlı Quba bölgəsindən olan müşahidəçi Aftandil Məmmədovun hökumətyönlü “APA” agentliyinə verdiyi açıqlamalar SMDT-nin mövqeyini əks etdirmir. Adı çəkilən şəxs son iki ildə SMDT ilə əməkdaşlıq etsə də, son günlər müxtəlif siyasi təzyiqlərə məruz qaldığını bildirərək, müşahidəçi olmaqdan imtina edib.
SMDT təəssüflə qeyd edir ki, bu cür açıqlama alınarkən, təşkilatın mövqeyi öyrənilməyib, ictimaiyyətə yanlış məlumat verilib, nəticədə müstəqil QHT-lərə qarşı növbəti siyasi ayrı-seçkilik kampaniyasında APA agentliyi iştirakçı olub.
SMDT bəyan edir ki, peşəkar müşahidə təşkilatı kimi hazırkı seçkilərdə namizədlərə verilən səslərin nəticələri deyil, prosesin hüquqi keyfiyyətinin qiymətləndirilməsi aparılır.
SMDT qeyd edir ki, seçki günü seçki məntəqəsində müşahidə olunan qanun pozuntularını, xüsusən də topa bülletenlərin seçki qutusuna atılması, seçicilərə qarşı təzyiqlər, səsvermə hüququ olmayan şəxslərin səsvermədə iştirakı halları baş verib. Eyni zamanda, bu cür qanun pozuntularını müşahidə edən şəxslərə qarşı təzyiqlər, bəzi hallarda onların seçki məntəqələrindən kənarlaşdırılması baş verib.
SMDT seçki gününün sonrası öz ilkin hesabatında səslərin hesablanması və səslərin sayılmasının monitorinqinin nəticələrini açıqlayacaq.
Monitorinqin nəticələrinə dair İlkin Rəy 10 oktyabrda açıqlanacaq, deyə SMDT-nin Media və İctimai Əlaqələr Departamentinin məlumatında bildirilir. -0-
Siyasət
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
-
Narkotik maddə işi üzrə mühakimə olunmuş fəal İlhamiz Quliyev Umbakıdakı penitensiar kompleksdə saxlanma şəraitinin pis olmasından şikayət edib. Bu barədə Turan-a onun yaxınları bildiriblər.
-
Səkkiz dron Kazan şəhərinə hücum edərək sənaye müəssisəsini və yaşayış binalarını hədəfə aldı. Bu nadir hadisə Ukrayna ilə Rusiya arasındakı gərgin münaqişənin artmaqda olduğunu vurğulayır. Rəsmi məlumatlara görə, hələlik tələfat haqqında məlumat yoxdur.
Rəy yaz