AXCP fəalı 7,5 müddətinə azadlıqdan məhrum edilib

Bakı Ağır Cinayətlərə dair məhkəmədə AXCP Məclisinin üzvü Asif Yusifli üzərində məhkəmə prosesi cümə axşamı başa çatıb.

A.Yusifli 2014-cü il noyabrın 25-də dələduzluq və sənədlərin saxtalaşdırılması ittihamı ilə həbs edilib. Bu iş üzrə zərərçəkən Fəridə Zülfüqarova təhslil nazirlyinin əməkdaşı Rafiq Hüseynova vermək üçün A.Yusifliyə 6500 manat pul verib. Sonuncu bu rüşvət müqabilində F.Zülfüqarovanın Ukraynada yaşayan oğluna ali təhsil almasına dair diplom təşkil etməli idi. Amma sövdləşmə alınmayıb, R.Hüseynovsa pulu qaytarmayıb. Məhkəmənin gedişində R.Hüseynov pulu özünün aldığını bu məsələdə A.Yusiflinin təqsiri olmadığını söyləyib. F.Zülfqarova isə dəyən ziyan ödənildiyi üçün ərizəsini geri götürüb.

Amma iyulun 30-da keçirilən məhkəmə prosesində məhkəmə A.Yusiflıini dələduzluq və sənədləri saxtalaşdırmada günalı sayaraq 7il 5ay, digər müttəhim R.Hüseynlini isə 12 il yarım müddətinə azadlıqdan məhrum olunması qərarı çıxarıb.

A.Yusifli son sözündə həbsinə səbəb kimi siyasi fəaliyyətini, demokratiya uğrunda ardıcıl mübarizə aparmasını, Qarabağ çmüharibəsi əlillərinin hüquqlarını fəal müdafiə etməsini, “Zülm bitsin” bloqunu işə salmasını göstərib. O, Azərbaycan ictimai həyatının Anar Məmmədli, Seymur Həzi, İntiqam Əliyev, Leyla Yunus kimi və s.kimi ünlü nümayəndələri ilə həbsdə olmasından qürur duyduğunu xüsusi vurğulayıb. A.Yusiflinin çıxşı alqışlarla qarşılanıb.

Vəkil Fəxrəddin Mehdiyev Turanın müxbirilə söhbətində məhkəmə qərarını ədalətsiz adlandırıb. Onun sözlərinə görə, məhkəmə A.Yusiflinin Qarabağ müharibəsinin İ qrup əlili, himayəsində iki azyaşlı uşağı olmasını nəzərə almayıb.

Müdafiə tərəfi apellyasiya şikayəti verəcəyini, məsələni Avropa məhkəməasinə qədər qaldıracağını bildirib.

AXCP sədri Əli Kərimli A.Yusiflini avtoritar rejimlərə qarşı əsl mübariz kimi dəyərləndirib.-03B-