![Gömrükçülər iş adamları ilə qapalı görüş keçirib](https://turan.az/resized/media/2015/main/073000124708-750-500-resize.webp)
Gömrükçülər iş adamları ilə qapalı görüş keçirib
İyulun 29-da Bakı Baş Gömrük İdarəsində iş adamları ilə görüş keçirilib. Dövlət Gömrük Komitəsinin məlumatına görə, görüşün leytmotivi idxaldan imtina və daxili istehsalın inkişaf etdirilməsi çağırışı olub.
Görüş qapalı olduğundan hansı biznes sahələrinin təmsil edildiyi bilinmir. Sahibkarlar da hələ görüş barədə şərh verməyiblər.
Dövlət Gömrük Komitəsi sədrinin müavini Şahin Bağırov bildirib ki, sahibkarlar və dövlət orqanları arasında qarşılıqlı əməkdaşlıq müxtəlif sahələrdə problemlərin birgə həll edilməsinə müsbət təsir göstərir.
Bakı Baş Gömrük İdarəsinin rəisi, gömrük xidməti general-mayoru Vüsal Novruzov məmur yox, iqtisadçı kimi çıxış edib. «Ölkədə neft sektorundan asılılığın aradan qaldırılması üçün daxili istehsal inkişaf etməlidir. Daxili istehsalın bir çox növlərinin xaricdən idxal olunan xammal və komponentlərin hesabına formalaşdığını nəzərə alaraq bu sahədə iş adamları ilə qanun çərçivəsində əməkdaşlıq etməyə hazırıq. Məqsədimiz yerli istehsal hesabına ixrac potensialının gücləndirilməsinə köməklik göstərməklə öz töhfəmizi verməkdir”, - deyə o bildirib.
Maraqlıdır ki, Azərbaycanda gömrük dövlət tənzimlənməsində ən çox korrupsiyalaşmış sahələrdəndir. Qanunvericiliyin təkmilləşdirilməsinə və yeni İKT vasitələrinin tətbiqinə baxmayaraq, gömrük orqanlarında korrupsuya aradan qaldırılmayıb. Məsələn, bu yaxınlarda sahibkarlardan biri bəyan edib ki, Rusiyadan müəyyən həcmdə tikinti şüşəsi idxal edib. Ancaq bir neçə aydır öz malını bəyan edə və dəmir yolundan götürə bilmir. Ondan böyük həcmdə rüşvət tələb edirlər. İş adamı buna görə böyük ziyana məruz qalır, dövlət strukturlarına, o cümlədən prezident İlham Əliyevə müraciətlərə baxılmır. Iş damları deyir ki, idxal edilən hər mal üçün öz mafiyası var, idxal inhisara alınıb və inhisarçıların icazəsi olmadan heç bir malı gətirmək olmaz. 08D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz