![AXCP mətbuat xidmətinin rəhbərinin qardaşına iki sutka inzibati həbs cəzası verilib](https://turan.az/resized/750/500/resize/media/2013/main/030100030242.jpg)
AXCP mətbuat xidmətinin rəhbərinin qardaşına iki sutka inzibati həbs cəzası verilib
AXCP mətbuat xidmətinin rəhbəri Natiq Ədilovun qardaşı Murad Ədilova inzibati qaydada iki sutka həbs verilib. O, polisə müqavimətdə günahlandırılıb. Bu barədə Natiq Ədilov Turan-a bildirib.
Natiq Ədilovun qardaşı Murad Ədilov və dayısı oğlu Səbuhi Nadirov fevralın 26-da Sabirabad rayon polis şöbəsi tərəfindən saxlanılıb.
Sabirabad rayon Polis Şöbəsi Murad Ədilovun, Səbuhi Nadirovun və rayonun Qaratəpə kənd sakini Taleh Qurbanovun narkotik vasitələrin qanunsuz dövriyyəsində şübhəli şəxs qismində saxlanıldığını bildirib.
Məlumatı dəqiqləşdirmək üçün dəfələrlə Sabirabad rayon Polis Şöbəsinə zəng vursaq da, cavab almaq mümkün olmayıb. Belə ki, növbətçi hissə müstəntiq Elnur Əliyevə müraciət etməyimizi məsləhət bilib. Elnur Əliyev isə məlumat verməkdən imtina edərək telefonunu qapadıb.
Bununla yanaşı, Turan-a “istintaq sirrini yaymaq olmaz”, deyərək telefonunu söndürən müstəntiq Elnur Əliyev digər media orqanlarında öz şəklini reklam edib və saxlanılanların şəkillərinin dərcinə icazə verib. -03B-
-
- Cəmiyyət
- 1 Mart 2013 11:21
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz