![AXCP sədrinin müşavirinin məhkəməsi başlayır](https://turan.az/resized/750/500/resize/media/2015/main/121400140117.jpg)
AXCP sədrinin müşavirinin məhkəməsi başlayır
Dekabrın 18-də Nərimanov Rayon Məhkəməsində Turqay Hüseynovun sədrliyi ilə AXCP sədrinin müşaviri Məmməd İbrahimin işi üzrə hazırlıq iclası təyin edilib. Bu barədə Turan-a vəkil Yalçın İmanov bildirib.
Xatırladaq ki, M.İbrahim cinayət məsuliyyətinə partiyanın keçmiş üzvü Mikayıl Qulivevin şikayəti əsasında cəlb edilib.
Sentyabrın 29-da onların arasında münaqişə baş verib. AXCP-də hesab edirlər ki, partiyanı gözdən salmaq üçün M.İbrahimə qarşı təxribat törədilib.
Öncə M.İbrahimə qarşı CM-in 221.1 (xuliqanlıq) maddəsi üzrə ittiham irəli sürülüb. Bu, 1 ilədək azadlıqdan məhrumetmə cəzasını nəzərdə tutur.
Lakin müdafiə tərəfi bildirib ki, istintaq köhnə tarixlə daha iki “zərərçəkən”i işə cəlb edib, ittihamı 221.2.2-ci maddəyə tövsif edib. Bu maddə 3 ildən 5 ilədək azadlıqdan məhrumetmə cəzasını nəzərdə tutur.–06B--
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz