Azərbaycanın birinci prezidenti Ayaz Mütəllibov 20 illik mühacirətdən sonra iyulun 7-də Bakıya qayıdıb. Onun vətənə qayıtması “Eks-prezidentlər və onların ailə üzvlərinin təminatı haqqında” qanun qəbul edildikdən sonra mümkün olub. Belə qanun keçmiş prezidentin üzərindən cinayət ittihamını götürüb.
A.Mütəllibov qanuna uyğun olaraq onun üçün ayrılmış mühafizəçilərinin müşayiəti ilə Bakının Mərdəkan qəsəbəsindəki evinə gedib.
Qanuna görə, eks-prezident ömrünün sonunadək fəaliyyətdə olan prezidentin əmək haqqının 50 faizi miqdarında pensiya alır və hər il prezidentin əmək haqqının 20 faizi qədər dəftərxana xərcləri üçün ödənilir. Eks-prezident vəfat etdikdən sonra isə onun pensiyasının 50 faizi həyat yoldaşına verilir.
A.Mütəllibova qarşı 1990-cı ilin 20 Yanvar hadisələri ilə bağlı cinayət işi qaldırılmışdı və barəsində həbs qəti imkan tədbiri seçilərək axtarış elan edilmişdi. Mütəllibov 2011-ci ilin avqustunda hökumətin icazəsi ilə Bakıda oğlunun dəfnində iştirak edib və oğlunun 40 mərasiminədək Bakıda qalmışdı.
O Bakıya gəlişi zamanı eks-prezident Heydər Əliyevin məzarını ziyarət edib və dövlətçiliyin möhkəmlənməsində Heydər Əliyevin mühüm rolunu qeyd edib.
Eks-prezident deyib ki, hətta onun özünün də bir fərd kimi formalaşmağında və sonradan dövlət xadimi olmasında Heydər Əliyevin müstəsna rolu olub.
“Azərbaycanın bu gününü görən hər bir kəs dərk edir ki, ümummilli liderin işi etibarlı əllərdədir”, - deyə ötən il Ayaz Mütəllibov prezident İlham Əliyevin də fəaliyyətini təqdir edib.
Bu il iyulun 2-də Ayaz Mütəllibov siyasətdən getdiyini bəyan edib və Sosial-demokrat partiyasının həmsədrliyindən istefa verib.-03B-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz